Рэйдавая група ў складзе спецыяліста сектара прапаганды і навучання Капыльскага РАНС Таццяны Балажынскай і члена маладзёжнага атрада аховы правапарадку Вольгай Сцяпанавай наведала гарадскую сажалку № 2, дзе размешчаны пляж. Увага адпачывальнікаў была накіравана на купанне толькі ў спецыяльна адведзеных месцах, а тым, хто не ўмее плаваць, рэкамендавана не заходзіць у ваду вышэй пояса.
Удзельнікі рэйду яшчэ раз нагадалі аб захаванні тэмпературнага рэжыму, акцэнтавалі ўвагу дарослых, каб яны асабістым прыкладам пераконвалі дзяцей у правільных паводзінах на вадзе. Тэма бяспекі закранула і нецвярозы стан, у якім недапушчальна заходзіць у вадаёмы.
Задача акцыі - сумеснымі намаганнямі зрабіць усё, каб не дапусціць гібелі і траўматызму людзей на вадаёмах. Падчас мерапрыемства грамадзянам былі ўручаны памяткі з правіламі бяспечных паводзін на вадаёмах у летні перыяд.
Павел Шэін