Узнагароду Ірыне Уладзіміраўне, як і ўсім 37 шматдзетным маці Міншчыны, уручыў старшыня Мінаблвыканкама Аляксандр Турчын. Урачыстае мерапрыемства прайшло ў сценах Нацыянальнай бібліятэкі.
Пасля цырымоніі ўзнагароджання адбыўся адкрыты дыялог, падчас якога шматдзетныя мамы пагутарылі з кіраўніком вобласці і задалі яму хвалюючыя пытанні. А вечарам яны прымуць удзел ва ўрачыстым мерапрыемстве з удзелам прэзідэнта, якое адбудзецца ў Палацы Рэспублікі.
Усяго ж у сям'і Ірыны Хлябко выхоўваецца шасцёра дзяцей. Мама цяпер знаходзіцца ў адпачынку па доглядзе за дзіцем да трох гадоў. Тата Максім Уладзіміравіч працуе механізатарам у філіяле «Лакнея».
Дзіяна Ткачэнка
«СП»