Падобная сустрэча адбылася ў ААТ «Капыльскі райаграсэрвіс», дзе ішла размова аб далейшым развіцці арганізацыі.
У мерапрыемстве ўзялі ўдзел старшыня Капыльскага райвыканкама Сяргей Пілішчык, першы намеснік старшыні райвыканкама - начальнік упраўлення райсельгасхарча Віталь Ракевіч.
Працягам сустрэчы стала прадстаўленне працоўнаму калектыву новага кіраўніка. Камітэтам па сельскай гаспадарцы і харчаванні аблвыканкама прынята рашэнне прызначыць дырэктарам раённага прадпрыемства Леаніда Станіслаўчыка.
Сяргей Пілішчык віншуе Леаніда Станіслаўчыка
Прадстаўляючы кіраўніка, галоўны дзяржаўны інспектар дзяржтэхнагляду ўпраўлення сельскай гаспадаркі і харчавання Валерый Прахарэня адзначыў яго кіраўнічую кампетэнтнасць, прафесійныя і арганізатарскія здольнасці. Леанід Паўлавіч Станіслаўчык пасля паспяховага заканчэння Беларускага дзяржаўнага інстытута народнай гаспадаркі імя В. В. Куйбышава працаваў галоўным бухгалтарам саўгаса «Лясное», а потым кіраўніком гэтага сельгаспрадпрыемства. З 2017 года да цяперашняга часу - намеснік дырэктара па вытворчасці ААТ «ПМК-11 г. Капыль» Мінскай вобласці.
Звяртаючыся да прысутных, старшыня райвыканкама падкрэсліў, што ад правільнасці выбару кіраўніка залежыць поспех справы і само існаванне любой арганізацыі. Адзначана, каб дамагчыся вынікаў дырэктару спатрэбіцца праявіць арганізатарскія здольнасці і актывізаваць працу прадпрыемства.
- Хай кожны з вас успрыме новага кіраўніка як антыкрызіснага кіраўніка, - звярнуўся да калектыву Сяргей Пілішчык. - Галоўная задача сёння - вывесці райаграсэрвіс ва ўстойлівы стан, ад якога наўпрост будзе залежаць эканамічнае развіццё арганізацыі, суадносіны росту заработнай платы і прадукцыйнасці працы.
Таццяна БОХАН
