У рамках гэтага мерапрыемства начальнік Капыльскай раённай энергагазінспекцыі Дзяржэнергагазнагляду Мікалай Лазоўскі і інспектар па энергетычным і газавым наглядзе Барыс Талейка наведалі кацельню № 7 у аграгарадку Мажа, якая забяспечвае цеплаэнергіяй дзяржаўны каледж, Мажскі КПК дзіцячы сад-пачатковая школа, а таксама дамы жылога сектара па вуліцах Сонечнай і Лугавой.
Мікалай Цвірко паказвае новае абсталяванне Барысу Талейка і Мікалаю Лазоўскаму
Тут з маючага адбыцца ацяпляльнага сезона запрацуе новае абсталяванне - газавая гарэлка, адрознiваючаяся прастатой ў выкарыстанні і, самае галоўнае, большай эканамічнасцю расходу энергарэсурсаў. Як паведаміў майстар кацельні Мікалай Цвірко, працу спрашчае і сэнсарны экран на шчыце кіравання - увогуле, усё па апошнім слове тэхнікі. Дарэчы, нядаўна былі праведзены выпрабаванні новага абсталявання спецыялістамі з Мінска.
- Цяпер гарэлка дазваляе эканоміць не толькі газ, але і электраэнергію, пры гэтым забеспячэнне цяплом будзе такое ж, — распавёў Мікалай Антонавіч. — Згодна патрабаванням, чатыры аператара кацельні ўжо асвоілі правілы эксплуатацыі газавай гарэлкі і гатовы да працы.
Аператар кацельні Алег Колас каля шчыта кіравання газавай гарэлкай
Павел Шэін