У гэты раз кіраўнік справамі Мінаблвыканкама Уладзімір Гурыновіч змог пагутарыць з работнікамі філіяла КУП «Мiнскаблдарбуд» – ДРБУ № 124.
Сустрэчу праводзіць Уладзімір Гурыновіч
Тэмай выступлення Уладзіміра Аляксандравіча сталі вынікі развіцця сталічнага рэгіёна за апошнія пяць гадоў, планы і перспектывы. Прадстаўнік аблвыканкама акцэнтаваў увагу на высокіх дасягнутых выніках, а таксама пазначыў тыя мэты, да дасягнення якіх неабходна імкнуцца. Значнае месца выступоўца ўдзяліў і развіццю Капыльскага раёна, а таксама нагадаў прысутным аб знамянальных датах, якія мы будзем адзначаць у 2021 годзе. Гэта Дзень беларускага пісьменства і абласныя «Дажынкі». А падрыхтоўка да гэтых святаў дапаможа яшчэ больш добраўпарадкаваць горад.
Яшчэ адзін акцэнт Уладзімір Гурыновіч зрабіў на праходзячай у краіне перадвыбарчай кампаніі і нагадаў, што абавязак кожнага свядомага грамадзяніна – абавязкова прыйсці на выбары і аддаць свой голас за найбольш дастойнага кандыдата.
Супрацоўнікі ДРБУ № 124 ўважліва слухаюць выступоўцу
Супрацоўнікі ДРБУ № 124 скарысталіся магчымасцю задаць пытанні. Так, іх цікавіла добраўпарадкаванне вуліцы Рамашко ў райцэнтры і прывядзенне ў парадак радзімы некаторых знакамітых беларускіх літаратараў – аграгарадка Пясочнае. Гэтыя пытанні ўзяты на кантроль, у тым ліку кіраўніком спраў райвыканкама, старшынём РА РГА «Белая Русь» Аленай Міхайлоўскай, якая таксама ўзяла ўдзел у мерапрыемстве.
Дзіяна Ткачэнка
