На сустрэчы былі абмеркаваны вынікі працы, значэнне прафсаюзаў, новаўвядзенні, заканадаўчыя ініцыятывы, роля Рэспубліканскага камітэта прафесійнага саюза ў забеспячэнні ўмоў годнай працы, зарплаты і адпачынку работнікаў і іх сем'яў. Таксама былі разгледжаны аспекты далейшага супрацоўніцтва і развіцця прафсаюзнага руху.
Як адзначыў Сяргей Фадзеевіч, у першую чаргу місія прафсаюза - падтрымка работнікаў і абарона іх правоў. Таму падчас такіх сустрэч заўсёды звяртаецца ўвага на гэтыя пытанні. Таксама важна, каб існавала зваротная сувязь. Прадстаўнікі прафсаюза павінны пачуць ад людзей пытанні, заўвагі, прапановы.
Ацэньваючы працу Капыльскай раённай арганізацыі, Сяргей Халяво падкрэсліў: «Без долі сарамлівасці і зламыснасці магу сказаць, што ацэнка працы толькі станоўчая. Калі прафсаюзны лідар, а ў Капыльскай арганізацыі гэта Ірына Пабока, на месцы, то за працу можна быць спакойным. Яна - чалавек неабыякавы, аўтарытэтны, паважаны».
У гэты ж дзень лідар Рэспубліканскага камітэта павіншаваў з выхадам на заслужаны адпачынак старшыню Першаснай арганізацыі Капыльскага ТЦСАН Святлану Чэрніковіч і актывіста грамадскага жыцця гэтай жа ўстановы Ганну Дзіткоўскую.
Былі адзначаны з выездам на месца і працаўнікі сельскай гаспадаркі: брыгадзір вытворчага ўчастка ААТ «Старыца-Агра» Наталля Кандыбовіч і аператар машыннага даення кароў філіяла «Лакнея» Алена Салдаценка.
