Праводзіцца накіраваная дзяржаўная палітыка па падтрымцы маладых грамадзян, створана ўнікальная сістэма, якая закранае сацыяльна-эканамічныя, палітычныя, арганізацыйныя і прававыя аспекты. Пра гэта гаварылі і падчас адкрытага дыялогу «Беларусь: учора, сёння, заўтра», які адбыўся ў спартыўным комплексе «Барысаў-Арэна».
У зале сабралася найбольш актыўная моладзь Міншчыны, якая старалася данесці самыя набалелыя праблемы, пытанні, а таксама падзяліцца сваімі марамі і планамі. Ішла размова аб стратэгіі развіцця маладзёжнай палітыкі, стварэнні працоўных месцаў з дастойнай заработнай платай, маючай адбыцца выбарчай кампаніі, пашырэнні паўнамоцтваў маладзёжных фарміраванняў.
Тон пазітыву і добрага настрою для вялікай размовы з маладзёжным актывам вобласці задаў намеснік старшыні Мінаблвыканкама Іван Маркевіч. Ён адразу ж прапанаваў спікерам выйсці з-за сталоў і перасесці бліжэй да моладзі. Па яго словах: «Размова стане больш адкрытай і давернай».
Дыялог прайшоў досыць адкрыта, і кожны мог атрымаць адказ на пастаўленае пытанне. І, вядома ж, нікога не пакінула абыякавым запальная частка форуму – гэта маладзёжная зарадка «За Беларусь» на стадыёне «Барысаў-Арэны», якую правёў чэмпіён па рускiм жыме Павел Клындзюк, а таксама паказальнае выступленне чэрлідэраў.