Арганізатарамі мерапрыемства выступілі Капыльскі райвыканкам, яго ўпраўленне па адукацыі, спорту і турызму, аддзел ідэалагічнай работы, культуры і па справах моладзі, БРСМ, РОС ДТСААФ, РА РГА «Белая Русь», ДЮСШ АПК, раённае аб'яднанне прафсаюзаў.
У адкрыцці прабегу прынялі ўдзел старшыня Капыльскага райвыканкама Сяргей Пілішчык і яго намеснік Аляксандр Дубіна. Вітаючы ўдзельнікаў мерапрыемства, Сяргей Міхайлавіч адзначыў, што праехаўшы па ваенных дарогах, партызанскіх сцежках, спаленых вёсках будзе аддадзена даніна павагі да тых, хто змагаўся і загінуў, змагаўся і выжыў.
Стартаваўшы ад ваенкамата, калона рушыла ва ўрочышчы Гнілуха, в. Калодзезнае, в. В. Раёўка, в. Руднае, в. В. Прусы. Да кожнага памятнага месца ўсклалі кошыкі, памяць загінулых ушанавалі хвілінай маўчання. На прывале на вадасховішчы ў Богушах не толькі паспыталі салдацкай кашы, духмянай гарбаты, але і паўдзельнічалі ў адкрытым дыялогу па выбарах Прэзідэнта Рэспублікі Беларусь.
Сяргей Козел
