У 10.00 пачалося датэрміновае галасаванне на выбарах Прэзідэнта Рэспублікі Беларусь.
Сваю грамадзянскую пазіцыю актыўна выказвае і моладзь Капыльшчыны, датэрмінова аддаўшы свой голас на выбарах Прэзідэнта Рэспублікі Беларусь.
Вось на Коласаўскі ўчастак для галасавання № 15, размешчаны ў гімназіі № 1 г.Капыля ім. М. В. Рамашко, прыйшла былая выпускніца названай установы адукацыі, а цяпер малады педагог Юлія Волкава. Старшыня выбарчай камісіі Іван Янаў нагадвае дзяўчыне, як правільна запоўніць бюлетэнь. Дарэчы, на ўчастку створаны аптымальныя ўмовы для бяспечнага галасавання. Запоўніўшы бюлетэнь, дзяўчына апускае яго ў скрыню для галасавання.
- Мой абавязак як педагога, як маладога грамадзяніна Беларусі - зрабіць годны выбар — каментуе Юлія. - А датэрміновае галасаванне дазваляе зрабіць гэта ў любы дзень.
Дзіяна Ткачэнка
«СП»