Першы выбаршчык з'явіўся на ўчастку роўна ў 10.00. Знаёмімся: Людміла Іванаўна Коршунава.
- Не сядзіцца дома ў такі важны момант – кажа ветэран працы Людміла Іванаўна. - Вось выйшла прагуляцца, а па дарозе сюды зазірнула. Каб прагаласаваць за суверэнную Беларусь, за тое, каб добра жылося і нам, і нашым унукам. Я родам з Урала. На днях адзначала свой дзень нараджэння, таму было шмат званкоў з Расіі. Натуральна мы не маглі не абмеркаваць і тэму выбараў. Мы многае пабачылі і перажылі, таму лічым, што важней за ўсё ў жыцці – мір і ўпэўненасць у заўтрашнім дні, якімі адрозніваецца Беларусь.
Правам датэрміновага галасавання скарысталіся тыя, хто не хоча лішні раз наведваць людныя месцы па стане здароўя.
- У асноўны дзень будзе шмат народу. А многія з нас у групе рызыкі, не хочам лішні раз людныя месцы наведваць. Наогул, мы заўсёды раней прыходзім галасаваць, каб не тоўпіцца – распавялі пенсіянеры.
– Заўсёды галасую ў ліку першых, - адзначае ветэран працы, заслужаны трэнер Беларусі Уладзімір Анатольевіч Рыбак. - Мы людзі старой загартоўкі. Грамадзянскі абавязак для нас - не простая фармальнасць. Гэта, перш за ўсё, неабыякавасць і адказнасць. Спяшаюся аддаць голас за справядлівасць і ўвагу да нас. Пенсіянераў у нас у краіне не крыўдзяць…
Сяргей Козел