Сваім канстытуцыйным правам скарыстаўся благачынны цэркваў Капыльскай акругі протаіерэй Сергій Чарны. На Ленінскі ўчастак для галасавання № 18 ён прыйшоў разам з малодшым сынам Фёдарам.
Дарэчы, айцец Сергій апынуўся першым прагаласаваўшым, а для такога выпадку быў прадугледжаны падарунак - абанемент на 4 наведваннi басейна Капыльскага ФАЦ.
- Прагаласаваць вырашыў з самай раніцы, таму што далей дзень распісаны - чакаюць царкоўныя справы — дзеліцца айцец Сергій. - Я лічу, што прыйсці і праявіць сваю грамадзянскую пазіцыю, калі не зрабіў гэта датэрмінова, трэба абавязкова. Прычым незалежна ад сферы дзейнасці. Гэта абавязак кожнага з нас. Бо менавіта зараз наша краіна абірае для сябе далейшы шлях развіцця. Мне хацелася б пажадаць у гэты важны для ўсёй рэспублікі дзень, каб Гасподзь блаславіў нашу зямлю і дапамог зрабіць нам правільны выбар. Мiра ўсім, дабрабыту і Божай дапамогі!
Аксана Міхайлоўская
«СП»