Выбар былы работнік сельсавета робіць на карысць мірнай квітнеючай Беларусі. Бо ў яго пяцёра дзяцей, дзевяць унукаў і чацвёра праўнукаў. Летась Пётр Іванавіч удзельнічаў у конкурсе ветэранскіх падворкаў.
Тут жа на ўчастку працуе выстава настаўніка мясцовай школы Людмілы Леанідаўны Кандыбовіч.
Для аднаго з членаў камісіі сённяшні дзень двойчы святочны. Таццяна Логман, якая працуе аграномам у ААТ «Старыца-Агра», адзначае Дзень нараджэння. Калегі падрыхтавалі для яе падарунак і віншаванні.
Падрыхтаваны падарункі і для тых, хто галасуе ўпершыню, якіх усяго пяць чалавек. Як адзначыла старшыня камісіі Валянціна Кандыбовіч, на дадзены момант прагаласавала ўжо 45% выбаршчыкаў.
Дзіяна Ткачэнка
