Як паведаміла старшыня Каменскага ўчастка для галасавання № 3 Галіна Васілевіч, гэтая выбарчая кампанія адрозніваецца актыўнасцю, як у дні датэрміновага галасавання, так і ў асноўны дзень выбараў.
У буфеце прадавец Наталля Катанекша толькі і паспявае абслугоўваць пакупнікоў. Апусціўшы ў скрыню бюлетэнь, выбаршчыкі з задавальненнем набываюць марозіва. Побач размясцілася бізнес кампанія «Гламур» і яе кіраўнік Таццяна Алішэвіч, якая дала майстар клас па вырабе атласных кветак.
Больш за 40 гадоў адпрацавала запраўшчыцай у былым калгасе ім. Суворава Сафія Дудзінская. І сёння яна прыйшла аддаць свой голас за мір і стабільнасць.
Дзіяна Ткачэнка
