Такое мерапрыемства для дэпутата стала ўжо традыцыйным. Як паведаміла Людміла Іванаўна, кожны год яна стараецца нейкім чынам адзначыць прадстаўніц прыгожага полу, якія, не баючыся цяжкасцяў, нароўні з мужчынамі спраўляюцца ў полі.
Людміла Ніжэвіч і дырэктар ААТ «Скабін» Аляксандр Хвитько ўшаноўваюць Таццяну Волкаву, якая працуе ў экіпажы з мужам Андрэем
У гэтым годзе парламентарый уручыла падарункі сямі памочніцам камбайнераў. Сярод іх - Анастасія Жарнасек і Алена Дарашэвіч з ААТ «Старыца-Агра», Таццяна Волкава з ААТ «Скабін», Алена Мікуліч з УП «ПIК-Лясная», Аксана Лосева з ААТ «Капыльскае», Таццяна Нераненя з філіяла «Лакнея» і Яна Калыхан з ААТ «Прагрэс 2010».
- Я не магу знаходзіцца ў баку, калі нашы жанчыны так самааддана дапамагаюць прыбіраць ураджай, - падкрэсліла Людміла Ніжэвіч. - Хочацца адзначыць, што іх старанні сапраўды важныя. Няхай невялікія сувеніры і цёплыя словы падымуць ім настрой.
Сяргей КОЗЕЛ
«СП»