- Раскажыце, як праходзіла аздараўленне школьнікаў?
- У правядзенне летняй аздараўленчай кампаніі 2020 года ўнесла карэктывы сітуацыя з захворваннямі каранавiруснай інфекцыяй. Аздараўленне школьнікаў і санаторна-курортнае лячэнне насельніцтва ажыццяўляецца па заяўным прынцыпе.
У чэрвені працавала 14 лагераў з дзённым знаходжаннем, у тым ліку два спартыўна-аздараўленчых. Усяго аздароўлена ў першую змену 279 школьнікаў, у тым ліку 62 выхаванца спартыўнай школы. Па названай вышэй прычыне аздараўленчыя лагеры з кругласутачным знаходжаннем пачалі працу з ліпеня 2020 года. У першую чаргу ўвага была ўдзелена аздараўленню дзяцей-сірот, інвалідаў, дзяцей са шматдзетных сем'яў, якія маюць патрэбу ў падтрымцы дзяржавы. У ліпені 9 дзяцей-сірот з сацыяльнага дома выязджалі на аздараўленне ў стацыянарны лагер «Хваля» ААТ «Кіруючая кампанія холдынгу «Гарызонт». Стацыянарны лагер «Дружба» Дзяржынскага раёна з 29 ліпеня прыняў на аздараўленне 9 дзяцей са шматдзетных сем'яў, а стацыянарны лагер «Журавушка» Салігорскага раёна гасцінна прадаставіў месцы для 12 дзяцей-сірот з апякунскіх і прыёмных сем'яў.
- Ці прадугледжана аздараўленне дзяцей у жніўні?
- У раёне ў трэцюю змену з 3 жніўня арганізаваны аздараўленчы лагер з дзённым знаходжаннем «Непаседы» на базе ДУА «Цэнтр карэкцыйна-развіваючага навучання і рэабілітацыі Капыльскага раёна» для 11 дзяцей-інвалідаў. Мэтай арганізацыі дадзенага лагера стала стварэнне спрыяльных умоў для арганізацыі адпачынку і аздараўлення дзяцей з цяжкімі множнымі парушэннямі, іх паспяховай сацыялізацыі, развіцця асобы дзіцяці, умацавання фізічнага, псіхічнага і эмацыйнага здароўя.
З 10 жніўня працуюць два аздараўленчых лагера з дзённым знаходжаннем на базе ДУА «Ванелевіцкая СШ» і ДУА «Навасёлкаўскі КПК дзіцячы сад - базавая школа», у якіх праходзяць аздараўленне 26 хлопчыкаў і дзяўчынак. Для паўнавартаснага адпачынку дзяцей на кожнае дзіця за змену выдзелена дзяржаўная датацыя ў лагер з дзённым знаходжаннем - 85 рублёў, у спартыўна-аздараўленчы лагер з дзённым знаходжаннем - 95 рублёў, у лагер з кругласутачным знаходжаннем - 205 рублёў. На патанненне кошту пуцёвак для дзяцей-сірот, інвалідаў ва ўсіх тыпах лагераў выдзелены сродкі з раённага бюджэту.
- Вядома, што ў разгар пандэміі была прыпынена праца санаторыяў. Патлумачце, калі пачнецца санаторна-курортнае лячэнне насельніцтва і куды звяртацца, каб пакінуць заяўку на пуцёўку?
- Ужо з сярэдзіны чэрвеня жадаючыя зноў могуць набыць пуцёўкі і паправіць сваё здароўе. Нягледзячы на летні сезон адпачынкаў і перыяд школьных канікул, вялікай актыўнасці звароты насельніцтва раёна за пуцёўкамі не назіраецца. Звярнуўшыся ў камісіі па аздараўленні і санаторна-курортным лячэнні па месцы працы, можна замовіць пуцёўку на перыяд верасень-снежань 2020 года ў санаторыі для дарослых, у аддзяленнi бацькоў з дзецьмі, ў дзіцячыя санаторыі, ў якіх з верасня будзе пачаты навучальны працэс. Дзіцячыя пуцёўкі на непаўналетніх дзяцей бацькi атрымліваюць бясплатна.
Асаблівасцю дадзенага сезона з'яўляецца тэрытарыяльны прынцып размеркавання пуцёвак, гэта значыць на дадзены перыяд часу можна атрымаць пуцёўкі ў санаторыі Мінскай вобласці. Гэта лепшыя санаторыі ААТ «Белаграздраўніца» - «Сасновы бор», «Рассвет - Любань», «Случ», «Сонейка», санаторыі Федэрацыі прафсаюзаў Беларусі скупіў «Белпрофсоюзкурорт» - «Крыніца», «Беларусачка», «Нарач», «Нарачанскі бераг» і іншых ведамстваў.
Адноўлена праца і санаторыяў для непрацуючай катэгорыі інвалідаў і пенсіянераў. Грамадзяне сталага веку, якія перахварэлі каранавiруснай інфекцыяй, могуць звярнуцца і прайсці рэабілітацыю ў санаторыі «Бярэзіна» Барысаўскага раёна. Больш падрабязную інфармацыю можна атрымаць у спецыяліста па тэлефоне 55-6-44 (з 9 да 13 гадзін).
Таццяна БОХАН
«СП»
