Перадаючы эстафету правядзення свята, старшыня Чэрвеньскага райвыканкама Віталь Казлоў павіншаваў калег і пажадаў поспехаў і здароўя, каб яны з поўнымі сіламі і энтузіязмам рыхтаваліся да правядзення наступнага свята працаўнікоў вёскі.
— Наш рэгіён рады, што свята ўраджаю ў гэтым годзе прайшло менавіта ў Чэрвені. Мы ўдзячныя абласному выканаўчаму камітэту за аказаны давер. Да свята рыхтаваліся доўга, у горадзе з'явілася шмат новых аб'ектаў. Капылю жадаем поспехаў!
Старшыня Капыльскага райвыканкама Сяргей Пілішчык, у сваю чаргу, падзякаваў абласному выканкаму за зроблены выбар.
— Паверце, што прымаць такое мерапрыемства — гэта вялікая гонар і задавальненне. Хочацца, каб людзі ўбачылі, што такое свята. Вядома, шмат да чаго трэба будзе падрыхтавацца. Мы падфарбуем горад, скончым тыя працы, што ўжо былі пачаты. У наступным годзе чакаем усіх гасцей у Капылі. Дзякуй!
Нагадаем, што ў будучым годзе Капыль стане цэнтрам правядзення не аднаго, а адразу некалькіх святаў. Так, Дзень беларускага пісьменства - 2021 таксама сустрэнуць менавіта тут.
Кацярына Сівадзедава
Фота: Павел Шніп
