На гэтыя і многія іншыя актуальныя пытанні шукалі адказы старшакласнікі Цімкавіцкай СШ разам са старшынёй райвыканкама Сяргеем Пілішчыкам падчас правядзення адзінага дня інфармавання для навучэнцаў.
Тэма занятку была пазначана ў самым пачатку мерапрыемства: «Мае ўчынкі - мая адказнасць». Хлопцам адразу было адрасавана праблемнае пытанне: «Праз церні да зорак» – як разумеюць гэта выраз яны, маладыя людзі ХХІ стагоддзя.
- Праз цяжкасці - да сваёй мэты, - вызначылі старшакласнікі для сябе значэнне гэтага вядомага выказвання.
Намеснік дырэктара па выхаваўчай рабоце Вольга Чыгір, якая выступіла ў роле мадэратара мерапрыемства, падкрэсліла, што жыццё - гэта лесвіца, а кожны ўзрост - своеасаблівыя прыступкі, крочыць па якіх трэба акуратна і разумна:
- Ваш сённяшні ўзрост - гэта час выбару прафесіі і далейшага напрамку шляху. І толькі ад вашай свядома зробленай перавагі залежыць усё далейшае жыццё. Трэба ўмець абараніць сябе ад любога няправільнага ўплыву навакольнага свету.
Сяргей Пілішчык са старшакласнікамі Цімкавіцкай СШ
Да абмеркавання тэмы далучыўся і Сяргей Пілішчык. Ён падкрэсліў, што кожны ўзрост мае свае перавагі і ў той жа час мяркуе той самы адказны крок, які ўплывае на далейшае жыццё:
- Ваш узрост - гэта падрыхтоўка да ўсяго наступнага жыцця. Гэта той час, калі вы вызначаецеся з прафесійным выбарам. Сёння трэба разумець, што варта зрабіць для таго, каб быць запатрабаваным. Не сакрэт, што ў сучасным свеце вельмі патрэбна прафесія так званага айцішніка. Але каб стаць праграмістам, мала ўмець гуляць на кампутары. Трэба ўмець вырашаць складаныя задачы і ведаць мовы праграмавання. Па-ранейшаму важны прафесіі лекара або настаўніка. Я і цяпер удзячны сваім настаўнікам за тое, што накіравалі мяне па сапраўдным шляху. А па-сапраўднаму актыўныя людзі не згубіліся ў жыцці. Яны заўсёды мелі і маюць актыўную грамадзянскую пазіцыю. Прывяду ў прыклад вашага земляка, ураджэнца в. Цімкавічы, а цяпер паспяховага бізнэсоўца Дзмітрыя Сямашку, які, з'яўляючыся ўжо жыхаром іншага раёна, не перастае дапамагаць сваёй малой радзіме.
Падчас абмеркавання хлопцы дзяліліся сваім бачаннем пазначанай тэмы. На пытанне, якія пачуцці ў іх выклікае родная Беларусь, юнакі і дзяўчаты актыўна адказвалі: гонар, любоў, цеплыню. І за будучыню сваёй краіны яны нясуць адказнасць. А гэта значыць, што кожны з прысутных старшакласнікаў зробіць усё, каб не памыліцца з выбарам на жыццёвым шляху і каб адпавядаць высокай назве – грамадзянін, або, як сказаў вядомы рускі паэт Мікалай Някрасаў «Айчыны годны сын».
Дзіяна Ткачэнка
