На пасадцы маладых дубкоў і сасонак ў аграгарадку Цімкавічы працавалі старшыня раённага Савета дэпутатаў Ірына Кісляк, першы намеснік старшыні райвыканкама – начальнік упраўлення сельскай гаспадаркі і харчавання Віталь Ракевіч, намеснік старшыні райвыканкама Святлана Лосiк, старшыня Цімкавіцкага сельвыканкама Алена Вострыкава і спецыялісты, а таксама інспектар ТЦСАН.
Віталь Ракевіч саджае дрэва
Святлана Лосік
Алена Вострыкава
– На працягу акцыі на тэрыторыі сельсаветаў плануецца пасадзіць каля 2000 дрэў і 800 саджанцаў дэкаратыўных кустоў, – расказвае Ірына Кісляк. - Правядзенне акцыі супала з правядзеннем месячніка «Навядзі парадак на зямлі». Акрамя таго, у нашым раёне аб'яўлена яшчэ адна акцыя: каб дапамагчы лясгасу ў вырошчванні дубоў, мы папрасілі вучняў з кожнай установы адукацыі назбіраць па адным вядры жалудоў. Нашу ініцыятыву падтрымалі намеснік старшыні райвыканкама Аляксандр Дубіна і начальнік упраўлення адукацыі, спорту і турызму райвыканкама Ірына Абас. Такі падыход дапаможа з найменшымі выдаткамі з жалудоў вырасціць маладыя дубкі. Дарэчы, для сённяшняй пасадкі частку дрэў нам падаў лясгас, частку мы самі выкапалі ў лесе.
- Галоўнае - усё тэхналагічна зрабіць правільна, каб дрэўцы прыжыліся, - каментуе галоўны спецыяліст раённай інспекцыі прыродных рэсурсаў і аховы навакольнага асяроддзя Андрэй Цвірко.
На пасадцы дрэў Ірына Кісляк і Андрэй Цвірко
Менавіта ў першы дзень акцыі на тэрыторыі маладзёжнага парку ў аграгарадку Цімкавічы было пасаджана 190 саджанцаў хвоі і дуба.
Дзіяна Ткачэнка
