Больш падрабязна аб конкурсе распавядае старшыня Капыльскага раённага аб'яднання прафсаюзаў Валянціна Козіч.
- Хто можа ўдзельнічаць у конкурсе?
- У конкурсе могуць прыняць удзел члены пярвічных прафсаюзных арганізацый, размешчаных на тэрыторыі Мінскай вобласці, а таксама студэнты, якія навучаюцца ў ВНУ, ССНУ, ўстановах прафесійна-тэхнічнай адукацыі Мінска і Мінскай вобласці, якія нарадзіліся і жылі да паступлення ў навучальныя ўстановы на тэрыторыі Мінскай вобласці, з'яўляюцца членамі першасных прафсаюзных арганізацый навучальных устаноў, маюць грамадска карысныя ініцыятывы і жадаюць іх рэалізаваць на тэрыторыі Мінскай вобласці.
- Па якіх тэмах распрацоўваюцца праекты?
- Распрацоўка праектаў ажыццяўляецца ў трох намінацыях.
У першай пазначаны тэмы павышэння ўзроўню і якасці жыцця працоўных, забеспячэння поўнай і прадукцыйнай занятасці, годнай заработнай платы, сацыяльнай абароненасці членаў прафсаюзаў, устойлівага развіцця нацыянальнай эканомікі, садзейнічання паступальнаму, усёахопнаму і ўстойліваму эканамічнаму росту, поўнай і прадукцыйнай занятасці і годнай працы для ўсіх.
А ў другой намінацыі тэмы датычацца арганізацыйнага і кадравага ўмацавання прафсаюзаў, забеспячэння ўсёахопнай і справядлівай якаснай адукацыі і заахвочвання магчымасці адукацыi на працягу ўсяго жыцця для ўсіх.
Спартыўная, аздараўленчая і культурна-масавая праца, папулярызацыя здаровага ладу жыцця, маладзёжная палітыка, міжнародная дзейнасць, інфармацыйная праца, умацаванне сродкаў ажыццяўлення і актывізацыя працы ў рамках глабальнага партнёрства ў інтарэсах устойлівага развіцця - гэтыя пытанні павінны развівацца ў трэцяй намінацыі. Прадстаўленыя праекты павінны адпавядаць дзейным заканадаўствам Рэспублікі Беларусь.
- Як афармляецца заяўка для ўдзелу ў конкурсе?
- Форма заяўкі даслана ва ўсе арганізацыі і ўстановы Капыльскага раёна.
- А куды накіроўваюцца заяўкі для ўдзелу ў конкурсе?
- Аўтары праектаў накіроўваюць да 1 студзеня 2021 г. заяўкі для ўдзелу ў конкурсе «Прафрух. Мінская вобласць 2020» па ўсталяванай форме на адрас электроннай пошты: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
- Раскажыце, як будуць вызначаць і ўзнагароджваць пераможцаў?
- Камісіяй вывучаюцца дасланыя заяўкі, вызначаюцца лепшыя працы, аўтарам якіх накіроўваюцца запрашэннi прадставіць прэзентацыю прапанаваных праектаў у праграме Power Point. Па выніках ацэнкі пададзеных заявак і прадстаўленых прэзентацый камісіяй будуць вызначаны пераможцы ў трох намінацыях (1 пераможца ў кожнай намінацыі), ім будуць уручаны сертыфікаты ў суме 500 рублёў кожнаму аўтару-пераможцу праекта, таксама будуць заахвочаны старшыні пярвічных прафсаюзных арганізацый, у якіх складаюцца на прафсаюзным уліку пераможцы конкурсу шляхам уручэння сертыфіката на суму 100 рублёў, актыўныя ўдзельнікі конкурсу шляхам уручэння сертыфіката на суму 100 рублёў (2 аўтара). Праектам-пераможцам будзе аказана садзейнічанне ў далейшым пошуку прадпрыемства, арганізацыі, установы для практычнай рэалізацыі прапанаванага праекта.
Марыя Шэіна