Урачыстае мерапрыемства прайшло ў музеі гісторыі Вялікай Айчыннай вайны.
Віншуючы жанчын са святам, першы намеснік старшыні Мінаблвыканкама Сяргей Ляўковіч адзначыў:
- Для кожнага дзіцяці вобраз мамы заўсёды ўвасабляе пяшчоту, чуласць і дабрыню. Мама - галоўны настаўнік і самы адданы сябар. Менавіта мама закладвае ў душы сваіх дзяцей духоўна-маральную і культурную асновы, шмат у чым прадвызначаючы кірунак развіцця асобы. Гэта велізарная адказнасць.
Сяргей Ляўковіч уручае ордэн Маці Алене Рудакоўскай
Пагадзіцеся, шматдзетным мамам цяжэй усіх астатніх, бо сваю ўвагу, любоў і клопат трэба ўмець у роўных долях дарыць кожнаму дзіцяці. Толькі так з іх вырастуць шчаслівыя і ўпэўненыя ў сабе людзі.
- Сёння на Міншчыне пражываюць амаль 19 тысяч шматдзетных сем'яў, дзе выхоўваюцца больш за 60 тысяч дзяцей — падкрэсліў першы намеснік старшыні Мінаблвыканкама. - Кіраўніцтва вобласці праводзіць сур'ёзную сацыяльную палітыку. Будуюцца дзіцячыя садкі і школы, бальніцы і паліклінікі, узводзіцца жыллё. Толькі ў гэтым годзе больш за 3 тысяч сем'яў палепшаць свае жыллёвыя ўмовы. Праца ў гэтым кірунку будзе працягвацца. Усё гэта робіцца для таго, каб вашы сем'і адчувалі падтрымку дзяржавы і былі шчаслівыя. Узнагароджанне ордэнам Маці - гэта прызнанне вашых заслуг не толькі ў вачах родных, але і ўсёй Беларусі. Нізкі вам паклон.
Цырымонія ўзнагароджання маці Міншчыны атрымалася прыгожай і эмацыйнай, а пасля яе жанчын чакаў яшчэ адзін падарунак — экскурсія па музеі гісторыі Вялікай Айчыннай вайны.
У сям'і Алены і Уладзіміра Рудакоўскіх выхоўваецца пяцёра дзяцей: дзве дзяўчынкі і трое хлопчыкаў. Бацькі ствараюць усе неабходныя ўмовы для таго, каб кожны з іх вырас самадастатковым і паспяховым чалавекам.
