У падарунак - салодкія пачастункі
Са слоў загадчыцы аддзялення Капыльскага ТЦСАН Валянціны Нікалаені, валанцёры - людзі шаноўнага ўзросту, але яны маладыя душой, бадзёрыя, вядуць актыўны лад жыцця і з аптымізмам глядзяць на свет, спрабуючы перадаць свой зарад энэргіі тым, хто мае патрэбу ў клопаце і падтрымцы. На гэты раз для прысутных у бальніцы, а іх было 25 чалавек, была падрыхтавана творчая праграма і тэатральная пастаноўка сіламі валанцёраў атрада «Шчырасць» пад кіраўніцтвам спецыялістаў ТЦСАН Інэсы Ільюк і Алы Грыгарэвіч. Іх музычныя і паэтычныя нумары падымаюць настрой і лечаць душэўныя раны, таму падобным сустрэчам заўсёды рады. Пасля выступленняў пажылыя валанцёры абавязкова падыходзяць да кожнага і імкнуцца знайсці шчырыя словы і патрэбныя парады, дораць цёплыя ўсмешкі, кажуць словы добрых пажаданняў тым, хто гэтага чакае. Але на гэтым добрыя справы не сканчаюцца: напрыканцы валанцёры і прадстаўнікі раённай арганізацыі ГА «Беларускае таварыства інвалідаў» імкнуцца парадаваць пацыентаў бальніцы салодкімі пачастункамі.
Пажылыя людзі расчулены і прыемна здзіўлены такой увазе з боку, бо гэта вельмі важна, калі цябе ўспамінаюць і атачаюць клопатам.