Удзельнікі акцыі перад пасадкай дрэў
Парк пры падтрымцы кіраўніцтва ААТ «Прагрэс 2010» быў закладзены вясной гэтага года. Тады ж мясцовымі жыхарамі - маладымі сем'ямі - па яго перыметры былі высаджаны ліпы. Добрую справу працягнулі восенню: разбілі алею з 18 каштанаў, з'явілася і іглічная зона.
Ініцыятыву, праяўленую старшынёй Пацейкаўскага сельвыканкама Сяргеем Цвіркам і старшынём Капыльскай РА ГА «Беларускі саюз жанчын», дырэктарам ДУ «Капыльскі ТЦСАН» Святланай Маліноўскай, падтрымалі розныя катэгорыі жанчын - і тыя, хто толькі чакае дзіця, і ўжо адбыўшыяся мамы, у тым ліку і шматдзетныя, а таксама мамы маладых інвалідаў - наведвальнікаў аддзялення забеспячэння дзённага знаходжання інвалідаў Капыльскага ТЦСАН.
Удзельнікі акцыі - шматдзетная мама Яна Калыхан з сынам Іванам
На дапамогу таксама прыйшлі старшакласнікі Пацейкаўскай сярэдняй школы. Пры гэтым частка саджанцаў для ўладкавання парку была прадастаўлена тэрытарыяльным цэнтрам. Так, былі высаджаны кусты самшыту, выгадаваныя ва установе сумесна з маладымі інвалідамі і іх мамамі.
Як распавёў Сяргей Цвірко, на просьбу аб прадастаўленні на бязвыплатнай аснове пасадачнага матэрыялу для ўладкавання парка адгукнулася кіраўніцтва Капыльскага вопытнага лясгаса. Пры гэтым у якасці асноўнай пароды для азелянення каштаны былі абраны невыпадкова. Парк размешчаны ля помніка мясцовым жыхарам, якія загінулі, абараняючы радзіму ў час Вялікай Айчыннай вайны. Каля мемарыяла некалькі дзесяцігоддзяў таму былі высаджаны менавіта каштаны, якія па гэты дзень апраўляюць манумент. Маладыя ж дрэўцы ўдала ўпішуцца ў кампазіцыю і створаць адзіны комплекс, а таксама дапамогуць захаваць памяць аб тых, хто аддаў жыццё за мірнае неба ў незалежнай Беларусі.
Дарэчы, тэрыторыя парка займае каля гектара зямлі. У планах яшчэ многае – уладкаванне пешаходных дарожак, спартыўнай і дзіцячай пляцовак, альтанкі, а таксама разнастайных «астраўкоў» з дэкаратыўнымі раслінамі. Удзельнікі ж гэтага мерапрыемства ўпэўнены: праз некалькі гадоў тут можна будзе ўбачыць плады сваіх прац, бо пасаджаныя ў гэты кастрычніцкі дзень маладыя раслiнкi ператворацца ва ўтульны разгалісты парк. А часцінка душы, унесеная кожнай з мам, стане моцнай асновай вялікай і патрэбнай справы па сумесным добраўпарадкаванні роднага краю.
