Рэгіна Нарэйка
Гэта ўзнагарода - вынік добрасумленнай працы Рэгіны Вікенцьеўны. Ёй яна аддала 26 гадоў, пяць з якіх - на пасадзе загадчыка гэтага аднаго з самых складаных структурных падраздзяленняў установы аховы здароўя.
Больш за чвэрць стагоддзя таму Рэгіна Вікенцьева звязала сваё жыццё з выратаваннем людзей і працягвае займацца такой нялёгкай, але любімай справай. За салідны стаж давялося пабачыць нямала. Былі і вельмі складаныя перыяды. Акрамя няпростай эпідэміялагічнай сітуацыі гэтага года, у 2016 годзе таксама давялося сутыкнуцца з небяспечным вірусам - H1N1. Тады медыкі таксама ўзялі на сябе велізарную адказнасць.
Сёння пад кіраўніцтвам гэтай далікатнай, але моцнай духам жанчыны працуюць трое ўрачоў анестэзіёлагаў-рэаніматолагаў - сапраўдных прафесіяналаў: Уладзімір Тураўскі, Сяргей Працкевіч і Ілья Паддубскі. Таму і ўзнагарода - заслуга ўсяго калектыву.
У гэтыя дні высокіх узнагарод былі ўдастоены і іншыя медработнікі. Так, Ганаровую грамату Міністэрства аховы здароўя Рэспублікі Беларусь атрымала ўрач-інфекцыяніст (загадчык) інфекцыйнага аддзялення Капыльскай ЦРБ Валянціна Козел. Валянціна Веніямінаўна вядомая жыхарам Капыльшчыны як сапраўдны майстар сваёй справы і чалавек, для якога прафесіяналізм азначае ўзаемадавер, узаемапавагу і ўменне адчуваць пакуты іншых. Такі падыход складае аснову поспеху. Пад стаць кіраўніку падабраўся і калектыў аддзялення.
Валянціна Козел
А падзяка Міністэрства аховы здароўя Рэспублікі Беларусь уручана фельчару выязной брыгады хуткай медыцынскай дапамогі Але Крывецкай. Аб яе высокім прафесіяналізме кажа і такі факт, што пацыенты выказвалі словы шчырай падзякі Але Мікалаеўне на старонках раёнкі. Акрамя дасягнення поспехаў у асноўнай - медыцынскай - дзейнасці фельчар прымае актыўны ўдзел і ў грамадскім жыцці ўстановы аховы здароўя.
Ала Крывецкая
Дзіяна Ткачэнка
