Зараз выкарыстоўваць сродкі індывідуальнай абароны ў Мінскай вобласці павінны ва ўсіх без выключэння аб'ектах любой формы ўласнасці: аптэках, магазінах, кафэ, у грамадскім транспарце, маршрутках, таксі і іншае.
Штрафаваць за адсутнасць маскі пакуль не будуць, аднак адказнасць за людзей будуць несці кіраўнікі той ці іншай арганізацыі. Дарэчы, яны маюць права не абслугоўваць кліентаў, якія не выконваюць гэтае правіла.
Каб не дапусціць распаўсюджванне COVID-19, у вобласці дзейнічаюць і іншыя меры прафілактыкі. У прыватнасці, штодзённа праводзіцца маніторынг выяўлення і захворвання людзей каранавірусам, даецца ацэнка і прагноз развіцця эпідсітуацыі. Не застаецца ў баку і сітуацыя з ВРВІ, у тым ліку грып.
Важна і тое, што ў Мінскай вобласці абмежавалі правядзенне спартыўных, культурных, відовішчных, навуковых, рэлігійных і іншых масавых мерапрыемстваў.
