Як паведамілі ў раённым Цэнтры гігіены і эпідэміялогіі, у рамках акцыі запланаваны круглыя сталы, правядзенне класных гадзін, урокаў здароўя ва ўстановах адукацыі, выставы літаратуры, конкурсы малюнкаў.
Пройдуць тэматычныя дні інфармавання на розных прамысловых прадпрыемствах і ў арганізацыях. Будуць арганiзаваны гутаркі па прафілактыцы курэння ў забароненых месцах (зонах свабодных ад курэння), у тым ліку па тэматыцы негатыўнага ўплыву на здароўе электронных сістэм курэння і кальянаў.
Ва УАЗ «Капыльская ЦРБ», ДУ «Капыльскі цэнтр гігіены і эпідэміялогіі» працуюць тэлефоны даверу (УАЗ «Капыльская ЦРБ» 51762, ДУ «Капыльскі райЦГЭ» 21834), арганізуюцца дні адкрытай інфармацыі і кансультаванне насельніцтва па пытаннях курэння, прафілактыкі і лячэння.
Курэнне выклікае шэраг захворванняў, найбольш важнымі з якіх з'яўляюцца: хранічныя абструктыўная захворваннi лёгкіх, якія праяўляюцца устойлівай стратай іх функцыі, сардэчна-сасудзістыя захворванні (ішэмічная хвароба сэрца і артэрыясклероз перыферычных сасудаў) і парушэнні мазгавога кровазвароту (інсульты).
На асаблівым месцы сярод хвароб, звязаных з курэннем, знаходзяцца злаякасныя новаўтварэнні. У прыватнасці, пераканаўча даказана сувязь тытунекурэння з 12 формамі рака ў чалавека. У першую чаргу гэта рак лёгкага, стрававода, гартані і паражніны рота і вуснаў. Вялікая колькасць выпадкаў рака мачавой бурбалкі і падстраўнікавай залозы і меншае - рака ныркі, страўніка, малочнай залозы, шыйкі маткі, насавой паражніны таксама прычынна звязаны з спажываннем тытуню.
Цесная сувязь курэння і рака перш за ўсё абумоўлена ўтвараемымi пры згаранні тытуню хімічнымі рэчывамі, якія атрымалі назву канцэрагенаў. Пры курэнні іх выяўлена звыш 1,5 дзясяткаў. Яны пашкоджваюць генетычны апарат клеткі, выклікаюць мутацыі ў ДНК, што і прыводзіць да ўзнікнення злаякаснай пухліны. Да таго ж тыя, хто паліць маюць значна больш дрэнны прагноз у дачыненні да анкалагічных захворванняў, звязаны з пабочным уздзеяннем цыгарэтнага дыму на імунную сістэму хворых, у тым ліку на мясцовы імунітэт.
Агульнапрызнана, што рызыка ўзнікнення злаякасных новаўтварэнняў напрамую залежыць ад наступных фактараў: колькасці выкурваемых цыгарэт у дзень, узросту пачатку курэння і «стажу» курэння. Рызыка развіцця рака значна вышэй у тых, хто пачынае рэгулярна паліць у юнацкім узросце. Развіццю пухлін папярэднічае даволі працяглы перыяд курэння (на працягу дзесяцігоддзяў). У той жа час паказана, што адмова ад тытунекурэння, з улікам працэсаў дэзінтаксікацыi з вывядзеннем з арганізма былых курцоў метабалітаў злучэнняў тытуню, уключаючы канцэрагены, значна зніжае верагоднасць захворвання на рак у параўнанні з асобамі, якія працягваюць паліць. Спыненне курэння нават у сярэднім узросце дазваляе не толькі пазбегнуць у далейшым павышанай рызыкі індукаванага курэннем рака, але і рэзка знізіць яго, а станоўчы эфект ад спынення курэння ў больш раннім узросце яшчэ больш відавочны.
Першы пункт Еўрапейскіх рэкамендацый па барацьбе з ракам абвяшчае:
- Не паліце. Курэнне з'яўляецца найважнейшай прычынай заўчаснай смерці.
- Калі Вы паліце - спыніцеся. Спыненне курэння да пачатку развіцця рака або іншых сур'ёзных захворванняў прадухіляе павышэнне рызыкі развіцця тытунёвай залежнасці хвароб ў больш познім узросце, нават калі курэнне спыняецца ў сярэднім узросце.
- Калі Вы не можаце кінуць паліць, не паліце ў прысутнасці не палячых. Ваша курэнне можа аказаць неспрыяльнае ўздзеянне на здароўе навакольных.
Сяргей БАСАЛЫГА,
галоўны дзяржаўны санітарны ўрач раёна
