У адпаведнасці з рашэннем райвыканкама ён пройдзе з 20 па 27 снежня 2020 года.
Конкурсная камісія на чале з намеснікам старшыні райвыканкама Аляксандрам Дубіна вывучыць афармленне аб'ектаў і да 31 снежня вызначыць пераможцаў дадзенага конкурсу, які, паводле інструкцыі, праводзіцца па сферах дзейнасці: лепшае навагодняе афармленне будынкаў і тэрыторый сельскага Савета; прамысловага прадпрыемства, арганізацый транспарту і сувязі, іншых устаноў; аб'ектаў гандлю, грамадскага харчавання дзяржаўнай або прыватнай уласнасці; сельскагаспадарчага прадпрыемства; будаўнічай арганізацыі; прадпрыемстваў бытавога абслугоўвання, будынкаў і тэрыторый жыллёва-камунальнай галіны; устаноў культуры; адукацыі; аховы здароўя; сярод уласнікаў індывідуальных жылых дамоў.
Святочнае светлавое і тэматычнае афармленне фасадаў і прылеглых тэрыторый, наяўнасць навагодняй елкі, навагодняга афармлення ўнутранага інтэр'еру – асноўныя крытэрыі, па якіх будуць вызначацца лепшыя варыянты навагодняга афармлення.
Падвядзенне вынікаў конкурсу афармляецца рашэннем райвыканкама на падставе матэрыялаў камісіі не пазней за 9 студзеня. Пераможцаў конкурсу чакаюць дыпломы і грашовыя ўзнагароды.
Марыя Шэіна
