Сёлета рэспубліканская дабрачынная акцыя, традыцыйна прымеркаваная да святкавання Дня юрыста, пройдзе ў рэжыме анлайн.
На працягу працоўнага дня грамадзяне могуць атрымаць кансультацыю па пытаннях, якія ўваходзяць у кампетэнцыю натарыуса, у тым ліку афармлення спадчынных правоў, складання завяшчанняў, шлюбных дагавораў, адчужэння нерухомасці, здзяйснення выканаўчых надпісаў. З мэтай мінімізацыі асабістых кантактаў для абароны насельніцтва ад магчымых рызык заражэння каранавіруснай інфекцыяй у дзень правядзення акцыі загадчык натарыяльнай канторай Капыльскага раёна Вікторыя Вабішчэвіч па тэлефоне 55-9-61 будзе бясплатна кансультаваць капылян і гасцей раёна, а таксама дыстанцыйна з ужываннем відэасувязі (Skype). Фармат прадастаўлення бясплатнай кансультацыі можна ўзгадніць загадзя, патэлефанаваўшы ў натарыяльную кантору.
Поўны спіс натарыяльных кантор і натарыяльных бюро, а таксама час іх працы можна ўдакладніць на сайце Беларускай натарыяльнай палаты belnotary.by у раздзеле «Знайсці натарыуса».
Падрыхтавала Таццяна БОХАН