Ідучае ад сэрца выкананне вакальнай кампазіцыі «Зорны шлях», падрыхтаванай пад кіраўніцтвам педагога Наталлі Фінке, прасякнута асаблівай любоўю да Радзімы.
Па выніках конкурсу юны вакаліст прызнаны пераможцам і адзначаны дыпломам лаўрэата III ступені ў намінацыі «Мы - будучыня краіны!». Дапамагла юнаку заваяваць перамогу настаўнік музыкі гімназіі № 1 г.Капыля Наталля Рыгораўна Фінке.
- Для ўдзелу ў конкурсе мы падрыхтавалі песню «Зорны шлях», - не хаваючы радасці, распавядае Наталля Рыгораўна. - Гэта песня вельмі сімвалічная для юнага пакалення. У ёй гаворыцца аб тым, што маладому чалавеку трэба ісці наперад, дабівацца пастаўленых мэт і самому ствараць сваю будучыню. Вакальную кампазіцыю мы рыхтавалі даволі доўга: каля паўгода. Змены ўносілі яшчэ і ў верасні-кастрычніку. Затым запісалі відэа, так як конкурс у гэтым годзе з-за склаўшайся сітуацыі праводзіўся дыстанцыйна. І ўжо 31 кастрычніка адправілі запіс. Асабліва хочацца адзначыць, што ўдзел у падобных конкурсах дапамагае маладым людзям вучыцца любіць радзіму, шанаваць яе.
У конкурсе, які сапраўды дапамагае выхоўваць у юных пачуццё патрыятызму, захоўваць памяць пра герояў-абаронцаў Радзімы ў сэрцах юнага пакалення, прынялі ўдзел дзіцячыя і маладзёжныя вакальныя і харэаграфічныя творчыя калектывы, сольныя выканаўцы з Расіі, Украіны, іншых краін СНД і Еўрасаюза ва ўзросце ад 4-х гадоў. Арганізатарам творчага мерапрыемства, якое праходзіць у рамках Міжнароднага фестывалю «Пульс нашага часу-2020», выступіла Школа эстраднага вакалу «PULSE» Вольгі Валочнік. Творчае спаборніцтва праводзілася ў некалькіх намінацыях: «Памяці герояў-вызваліцеляў», «Радзіма мая сінявокая», «Мы - будучыня краіны!» па напрамках вакал - сола (эстраднае, народнае), вакальныя ансамблі (эстрадныя і народныя), харэаграфія (усе стылі і напрамкі, у тым ліку эстрадны, народны, сучасная харэаграфія і інш.).
Дзіяна Ткачэнка
