Паводле інфармацыі следства, зламыснікі ў ходзе тэлефонных размоў, часцей за ўсё з выкарыстаннем мэсэнджэраў Viber, Telegram, прадстаўляюцца супрацоўнікамі банкаў і пад рознымі падставамі даведаюцца ў грамадзян рэквізіты іх банкаўскіх пластыкавых картак.
Найбольш распаўсюджаная нагода — нібыта меўшае месца спісанне грашовых сродкаў пацярпелага. Для адмены такой аперацыі ва ўладальніка карт-рахунку просяць паведаміць нумар карты, імя ўладальніка, тэрмін дзеяння, код бяспекі (cvv-код, размешчаны на адваротным баку карты).
Атрымаўшы патрэбную ім інфармацыю падманным шляхам, тэлефануючыя асобы атрымліваюць магчымасць праводзіць фінансавыя аперацыі з банкаўскай пластыкавай карткай пацярпелага.
Так, у сярэдзіне снежня 2020 года 63-гадовай жыхарцы Дзяржынскага раёна па тэлефоне патэлефанаваў невядомы мужчына і прадставіўся супрацоўнікам АСБ «Беларусбанк». Ён паведаміў, што па карт-рахунку жанчыны адбылося спісанне грашовых сродкаў. Для таго, каб адмяніць гэтую аперацыю, ёй неабходна паведаміць рэквізіты банкаўскай карты. Пацярпелая паказала звесткі, пасля чаго ў яе з карт-рахунку былі выкрадзены амаль 1200 рублёў.
Ва ўсіх выпадках крымінальныя справы ўзбуджаліся па арт. 212 (крадзеж з выкарыстаннем кампутарнай тэхнікі) Крымінальнага кодэкса Беларусі. Праводзяцца мерапрыемствы, накіраваныя на ўстанаўленне асоб зламыснікаў.
Следчыя УСК па Мінскай вобласці чарговы раз звяртаюць увагу грамадзян:
- не перадавайце нікому рэквізіты сваіх банкаўскіх плацежных карт;
-не паведамляйце ў мэсэнджэры (Viber, Тэлеграма, Whatsapp) і па тэлефоне дадзеныя рэквізіты староннім асобам;
- у выпадку падазроных фінансавых аперацый неадкладна звярніцеся ў аддзяленне банка;
- калі з вамі звязалася асоба, якая прадставілася супрацоўнікам банка, спыніце размову і ператэлефануеце ў абслугоўваючы банк самастойна;
-пры наяўнасці прыкладання «Інтэрнэт-банкінг» праверце інфармацыю аб спісанні сродкаў уласнаручна (усе аперацыі з грашовымі сродкамі фіксуюцца ў дадатку);
- скарыстайцеся паслугай банкаўскіх СМС-апавяшчэнняў, каб заўсёды ведаць, якія аперацыі праводзіліся з вашым рахункам.
Часцей за ўсё на такія хітрыкі зламыснікаў трапляюцца людзі ва ўзросце, таму абавязкова растлумачыце дадзеныя парады сваім пажылым сваякам.
Афіцыйны прадстаўнік УСК па Мінскай вобласці
Алена Крупеніна
