З віншаваннямі і падарункамі да іх прыйшоў старшыня райвыканкама Сяргей Пілішчык.
Сяргей Пілішчык уручае падарункі выхаванцам цэнтра
Сяргей Міхайлавіч павіншаваў дзяцей і калектыў установы з надыходзячымі святамі і пажадаў усім здароўя, добрага настрою, пазітыву і выканання самых запаветных жаданняў. А яны абавязкова ажыццявяцца. Бо Новы год - час цудаў і дабра. Прыемным жа дадаткам да цёплых слоў сталі салодкія падарункі, якія кіраўнік раёна ўручыў кожнаму з дзяцей.
Наборы цукерак выхаванцы цэнтра атрымалі таксама ад яшчэ адной госці - старшыні Капыльскага раённага аддзялення РГА «Беларускі дзіцячы фонд» Алены Карпелені. Акрамя таго, у рамках дабрачыннай акцыі «Нашы сэрцы - дзецям» яна перадала ўстанове бактэрыцыдную лямпу. Гэтак актуальны ў эпідэміялагічнай сітуацыі падарунак у найбліжэйшы час усталююць у адным з памяшканняў установы.
Алена Карпеленя падчас перадачы падарунка дырэктару цэнтра Ірыне Гарэльскай
Не застаўся ў абавязку і прымаючы бок — для гасцей былі назапашаны арыгінальныя навагоднія сувеніры, вырабленыя выхаванцамі цэнтра сумесна з іх педагогамі.
Аксана Міхайлоўская
