Таму адным з найважнейшых напрамкаў сацыяльнай абароны насельніцтва з'яўляецца дзяржаўнае сацыяльнае страхаванне.
Дадзеная сфера дзейнасці шчасна дзейнічае і кожнаму застрахаванаму грамадзяніну гарантуе сацыяльнае забеспячэнне ў старасці, у выпадку хваробы і інваліднасці, страты карміцеля, пры нараджэнні дзіцяці і яго выхаванні. Гэтую частку вялікай працы праводзіць Капыльскі раённы аддзел Мiнскага абласнога ўпраўлення Фонду сацыяльнай абароны насельніцтва, узначальвае які Святлана КУРЧЫК.
- Фонд сацыяльнай абароны арганізоўвае і ажыццяўляе кантроль за своечасовым і поўным паступленнем збораў абавязковых страхавых узносаў, узносаў на прафесійнае пенсійнае страхаванне і іншых плацяжоў у бюджэт дзяржаўнага пазабюджэтнага Фонду сацыяльнай абароны насельніцтва Рэспублікі Беларусь, - адзначае Святлана Анатольеўна. - Таксама ажыццяўляецца прафесійнае пенсійнае страхаванне і кантроль за правільным расходаваннем сродкаў бюджэту фонду на выплаты па дзяржаўным сацыяльным страхаванні. Акрамя таго, вядзецца індывідуальны (персаніфікаваны) улік аб застрахаваных асобах дзеля мэтаў дзяржаўнага сацыяльнага страхавання, а таксама праводзіцца растлумачальная работа па пытаннях дзейнасці Фонду і аказваецца неабходная практычная і метадычная дапамога плацельшчыкам.
Калектыў ФСАН - Святлана Вірт, Святлана Курчык і Алена Курчык
Па стане на 1 студзеня 2021 года ў Капыльскім раённым аддзеле стаiwm на ўліку 1197 плацельшчыкаў абавязковых страхавых узносаў, з іх індывідуальных прадпрымальнікаў - 666 чалавек і 59 страхавальнікаў, якія выплачваюць узносы на прафесійнае пенсійнае страхаванне. За 12 месяцаў 2020 года паступіла ад плацельшчыкаў раёна ў бюджэт Фонду 27.446.591,60 рубля, у тым ліку ад індывідуальных прадпрымальнікаў - 253990,63 рубля, забяспечанасць уласнымі сродкамі складае 59,7%.
У раёне 59 страхавальнікаў выплачваюць узносы на прафесійнае пенсійнае страхаванне за 1198 чалавек, якія працуюць у шкодных і неспрыяльных умовах працы. Усяго на рахункi гэтых грамадзян за 12 месяцаў 2020 года паступіла 312865,48 рубля. Райаддзелам прызначаны і выплачаны 23 застрахаваным асобам дадатковыя прафесійныя пенсіі ў суме 29614,78 рубля.
Яшчэ адзін напрамак працы - персаніфікаваны ўлік. У яго сістэме, уведзенай у рэспубліцы са студзеня 2003 года, адкрыта больш за 43 тысяч індывідуальных асабовых рахункаў. На іх на працягу ўсёй працоўнай дзейнасці назапашваецца інфармацыя, неабходная для налічэння пенсіі, і якая штоквартальна папаўняецца звесткамі аб прыёме і звальненнi і звесткамі аб выплатах, на якія налічваюцца страхавыя ўнёскі.
- Поспех любой арганізацыі вызначаецца людзьмі, якія ў ёй працуюць, - працягвае Святлана Курчык. - На працягу ўсіх гэтых гадоў у аддзеле працавалі і працуюць людзі, якія любяць сваю прафесію і аддаюць ёй часцінку сваёй душы. Асаблівыя словы падзякі работнікам-ветэранам - Людміле Жукавай, Наталлі Дземідовіч, Віктару Жукаву. Асобна вялікі дзякуй былым работнікам аддзела - Святлане Лосік і Алене Новік, а таксама работнікам, якія знаходзяцца ў адпачынку па доглядзе дзіцяці да 3-х гадоў - Вользе Цвірка і Валерыі Зянюк. Нягледзячы на мірны характар нашай працы, усім нам знаёмы і патокі задач, якія неабходна вырашыць у самыя кароткія тэрміны, і напружанне сіл, і псіхалагічныя перагрузкі, і радасць ад усяго зробленага. Ад усёй душы сваім калегам і ветэранам галіны ў прафесійнае свята жадаю моцнага здароўя, вялікага асабістага шчасця, поспехаў у працы, невычэрпнай энергіі, настойлівасці і аптымізму, натхнення і вялікіх прафесійных перамог.
Таццяна БОХАН
