- У рамках акцыі «Нашы дзеці» нам асабліва хочацца падзяліцца цяплом з дзецьмі, якія па-сапраўднаму вераць у цуд, — кажа Таццяна Георгіеўна. - Вядома ж, вялікая радасць для іх - гэта вярнуцца дадому, каб у поўнай сям'і адзначыць святы. Мы, дарослыя, магчыма, не заўсёды можам выканаць галоўную дзіцячую мару, але падарыць імгненні радасці, сваю ўвагу і любоў - у нашых сілах.
Па традыцыі госці, а сярод іх - Таццяна Канаплянік, Таццяна Цвірка, Вольга Сыс і Валерый Мелюх - уручылі падарункі - спартыўны абутак і заплечнікі, якія спатрэбяцца пры арганізацыі навучальнага працэсу, і, вядома ж, цацкі і прысмакі. Дарэчы, віншаванні ад супрацоўнікаў лясгаса за час правядзення акцыі атрымалі і дзеці з Капыльскай дапаможнай школы-інтэрната. А навучэнцы школ раёна, якія дасягнулі высокіх паказчыкаў у рэспубліканскіх алімпіядах па вучэбных прадметах і конкурсе работ даследчага характару атрымалі флэш-назапашвальнікі.
Таццяна БОХАН
Крыніца http://www.kopyl.by
