Валанцёры прапануюць сваю дапамогу ў расчыстцы тэрыторый ад снегу сацыяльным аб'ектам, установам аховы здароўя. Без увагі і дапамогі не пакінуць і адзінока пражываючых пажылых грамадзян.
- Зіма дыктуе свае правілы: апрануцца па надвор'і, паклапаціцца аб тым, каб дома было цёпла, прыбраць снег з двароў, — кажа першы сакратар РК ГА «БРСМ» Вольга Сцяпанава. - Улічваючы, што сіноптыкі прагназуюць у бліжэйшы час замаразкі да -15 і снегапады, маладзёжная арганізацыя Капыльшчыны вырашыла паклапаціцца пра тых, каму можа спатрэбіцца дапамога. У першую чаргу валанцёры гатовы дапамагчы ў расчыстцы тэрыторыі ад снегу каля бальніц і паліклінік, бо сілы медыкаў сёння накіраваны на барацьбу з каранавірусам. У тым ліку чэлендж «Прыбярэм снег разам» накіраваны і на ўборку ад снегу двароў ветэранаў Вялікай Айчыннай вайны, былых вязняў фашысцкіх канцлагераў і інвалідаў.
Заяўку на аказанне дапамогі можна пакінуць па тэлефоне гарачай лініі, якая арганізавана на базе Капыльскага РК ГА «БРСМ» па нумары 54-1-25.
Таццяна БОХАН
Крыніца http://www.kopyl.by