У папярэднія гады нашы следчыя ўжо не раз аказваліся ў ліку лідараў. А вось гэтак высокіх вынікаў удалося дасягнуць упершыню. Пры гэтым сярод крытэрыяў, па якіх ацэньвалася эфектыўнасць дзейнасці аддзела, значыліся такія, як, да прыкладу, захаванне законнасці пры расследаванні крымінальных спраў, якасць і аператыўнасць папярэдняга следства, пакрыццё матэрыяльнай шкоды, нанесенай супрацьпраўнымі дзеяннямі зламыснікаў.
Што тычыцца лічбаў, то ў вытворчасці ў капыльскіх следчых у мінулым годзе знаходзілася 339 крымінальных спраў, з якіх 113 былі перададзены пракурору для накіравання ў суд. Памер кампенсацыі шкоды, нанесенай у выніку здзяйснення крымінальна каральных дзеянняў, склаў амаль 100 000 рублёў, або больш за 90% ад нанесенай шкоды (пры сярэднеабласным паказчыку 61%).
Алег Бабарэка (у цэнтры), Надзея Драбушэвіч, Аляксандр Бохан, Руслан Коршак, Аркадзь Данчанка, Сяргей Дзенісевіч, Аляксей Мароцкі, Аляксей Зянюк і інспектар Вольга Давідоўская
- Спецыяльна да перамогі мы не імкнуліся, а проста імкнуліся якасна выконваць сваю працу. Але тое, што наш праца была высока ацэнена, вядома, радуе, — адзначыў Алег Бабарэка. - Безумоўна, поспех нашага аддзела - заслуга ўсяго калектыву. А ён у нас хоць і невялікі, але прафесійны. І кожны з супрацоўнікаў уносіць сваю немалую лепту ў агульную справу. Усяго ў штаце 13 чалавек, большасць з іх — афіцэры, якія займаюцца расследаваннем злачынстваў. Гэта намеснік начальніка аддзела Руслан Коршак, Аляксей Зянюк, Сяргей Пратасевіч, Аляксей Мароцкі, Аляксандр Бохан, Сяргей Дзенісевіч, Аркадзь Данчанка і Надзея Драбушэвіч. Усе яны працуюць даўно, маюць дастаткова вялікі вопыт практычнай дзейнасці. Але галоўнае, што яны любяць сваю службу, працуюць з поўнай самааддачай, устойліва пераносяць усе цяжкасці. Бо ў нашай сферы да выніку прыводзіць толькі ўдумлівая і карпатлівая праца.
Аксана Міхайлоўская
Крыніца http://www.kopyl.by
