Аляксандр Дубіна гутарыць з супрацоўнікамі бібліятэкі
Добраўпарадкаванне вуліцы Цімкавіцкай і Алеі маці, праца гандлёвых кропак і папаўненне бібліятэчнага фонду, правядзенне мерапрыемстваў для школьнікаў у сучаснай складанай абстаноўцы – і гэта не поўны пералік пытанняў, якія прагучалі. Кожную заяву Аляксандр Дубіна ўважліва выслухоўваў, найбольш актуальныя і надзённыя адразу ж браў на кантроль. Асаблівую ўвагу Аляксандр Анатольевіч акцэнтаваў на тым, што чытанне было і застаецца галоўным спосабам атрымання інфармацыі, а значыць неабходна актывізаваць работу з падрастаючым пакаленнем па развіццю і фарміраванню гэтага карыснага навыку.
Акрамя таго, Аляксандр Дубіна звярнуў увагу на стэнд, аформлены ў гонар знакамітага паэта-земляка, імя якога носіць бібліятэка – Анатоля Астрэйкі.
- Капыльшчына - багаты на знакамітыя імёны край, што і стала асновай для правядзення сёлета Дня беларускага пісьменства ў нашым горадзе, - падсумаваў Аляксандр Анатольевіч. - Таму зараз задача кожнага з нас, у тым ліку і работнікаў бібліятэчнай сістэмы раёна, правесці дбайную падрыхтоўку да свята.
Дзіяна Ткачэнка
Крыніца http://www.kopyl.by
