А сакрэт дасягнутага поспеху крыецца ў словах: працуй на сумленне, будзь гаспадаром на зямлі, рабі добрае для людзей, і яны заўсёды цябе падтрымаюць і дапамогуць.
ААТ «Прагрэс 2010» заўсёды адрознівалася высокімі вынікамі. А ў 2020 г.на раённым свяце «Дажынкі» Валерый Тарацько быў узнагароджаны нагрудным знакам адрознення Міністэрства сельскай гаспадаркі і харчавання «За заслугі ў сельскай гаспадарцы».
Праца на зямлі Валерыю Мікалаевічу знаёма з дзяцінства, бо сам ён сельскі жыхар. Па шляху да вяршыні прафесійнай лесвіцы былі таксама спецыяльнасці слесара, кіроўцы, старэйшага інжынера, начальніка ўчастка, галоўнага агранома. Дамагчыся поспеху дапамаглі працавітасць і любоў да зямлі.
ААТ «Прагрэс 2010» Валерый Мікалаевіч узначальвае каля дваццаці гадоў. Пасля далучэння суседняга ААТ «Душава» плошча сельгаспрадпрыемства павялічылася прыкладна ў два разы. А значыць, удвая выраслі не толькі палі пад пасяўнымі, але і клопатаў павялічылася настолькі ж. Таму стаўку ў гаспадарцы зрабілі на існуючы патэнцыял, да таго ж пастаянна сочаць за патрабаваннямі сельгасрынку.
Крыніца http://www.kopyl.by
