За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. У іх ліку работніцы прадпрыемстваў прамысловага і фінансавага сектараў, аграпрамысловага комплексу, арганізацый жыллёва-камунальнай гаспадаркі, гандлю і сувязі, устаноў адукацыі, аховы здароўя, сацыяльнага абслугоўвання насельніцтва, індывідуальныя прадпрымальнікі і хатнія гаспадыні.
Сярод узнагароджаных – Анастасiя Занкевіч з аграгарадка Цімкавічы Капыльскага раёна. Мама пецярых дзяцей, зараз знаходзіцца ў адпачынку па догляду за дзіцем ва ўзросце да 3 гадоў. Працавала ў Капыльскім райпо буфетчыкам кафетэрыя «Колас» у аг. Цімкавічы. Да высокай узнагароды прадстаўлена і Ірына Латушка з в. Бучацiна, у сям'і якой падрастаюць шасцёра дзяцей. Палявод ААТ «Ціміразеўскі» цяпер таксама знаходзіцца ў адпачынку па догляду за дзіцем ва ўзросце да 3 гадоў.
Усяго ордэнам Маці ўзнагароджаны 135 жыхарак Віцебскай, Гомельскай, Гродзенскай, Магілёўскай і Мінскай абласцей.
Таццяна БОХАН
Крыніца http://www.kopyl.by
