Ва ўсіх установах ініцыятыўныя групы дзяцей, класныя кіраўнікі і запрошаныя госці разважалі аб народным адзінстве – закладзе шчаслівай будучыні Беларусі. Дэлегаты VI Усебеларускага народнага сходу азнаёмілі навучэнцаў з ключавымі пытаннямі народнага форуму - старшы ўчастковы інспектар міліцыі аддзела аховы правапарадку і прафілактыкі Капыльскага РАУС Андрэй Трублоўскі быў запрошаны ў Быстрыцкую СШ, а Ганна Бахта, намеснік дырэктара па ідэалагічнай працы ААТ «Піянер-Агра» - у Ванелевіцкую СШ.
Старшыня Капыльскай РОС ДТСААФ Аляксандр Касінскі прыняў удзел у адкрытым мікрафоне на базе СШ № 3 г. Капыля і Цімкавіцкай СШ. Аляксандр Іванавіч у сваім выступе акцэнтаваў увагу на тым, што ўзброеныя сілы Рэспублікі Беларусь знаходзяцца на варце бяспекі і суверэнітэту.
Аляксандр Касінскі з новымі членамі ДТСААФ з СШ № 3 г. Копыля (злева)
У Пясочанскім вучэбна-педагагічным комплексе дзіцячы сад-базавая школа мерапрыемства праводзілася ў форме ток-шоу «100 пытанняў даросламу».
У СШ № 2 г. Капыля госцем мерапрыемства стаў намеснік начальніка па ідэалагічнай рабоце і кадраваму забеспячэнню Капыльскага РАУС Уладзімір Рудакоўскі. Як адзначыла намеснік дырэктара Інга Берднік, дыялог са старшакласнікамі быў пабудаваны на абмеркаванні пытанняў, якія з'яўляюцца ключавымі ў абвешчаны Год народнага адзінства. Хлопцы адчулі датычнасць да гісторыі сваёй краіны, абмеркавалі праблемы пераемнасці пакаленняў, кансалідацыі грамадства, згуртавання беларускага народа на аснове ідэй суверэнітэту і незалежнасці, захавання і папулярызацыі традыцый, спадчыны і гістарычнай памяці.
Уладзімір Рудакоўскі выступае перад старшакласнікамі СШ № 2 г. Копыля
Уладзімір Уладзіміравіч таксама закрануў тэму выбару будучай прафесіі старшакласнікамі. У прыватнасці, расказаў аб умовах паступлення ў Акадэмію МУС Рэспублікі Беларусь. «Гэта выдатны старт для кар'еры! Тут рыхтуюць высакакласных спецыялістаў, патрэбных краіне» – адзначыў супрацоўнік РАУС.
У сваю чаргу навучэнцы задавалі пытанні госцю на розныя тэмы.
Сяргей Козел
Крыніца http://www.kopyl.by
