Знаёмячыся з кандыдатамі на кіруючыя пасады, старшыня райвыканкама Сяргей Пілішчык адзначыў, што стварэнне падобнага дзейснага рэзерву з'яўляецца адным з прыярытэтных напрамкаў дзяржаўнай кадравай палітыкі. А праблема кадравага забеспячэння стаіць на чале кута любой арганізацыі, паколькі напрамую звязана з якасцю выканання планаў і задач, пастаўленых перад працоўным калектывам.
Ён падкрэсліў, што праца па стварэнні рэзерву кадраў прадугледжвае планамерную і мэтанакіраваную сістэму падрыхтоўкі і праверкі на практыцы будучых кіраўнікоў, рост іх дзелавых і прафесійных якасцяў. Сяргей Міхайлавіч спыніўся на тым, як адбываецца адбор кандыдатаў на кіруючыя пасады, і запэўніў, што перспектыўныя, маладыя спецыялісты на Капыльшчыне не застануцца незаўважанымі, але для гэтага неабходна не толькі добра працаваць, але і займаць актыўную жыццёвую пазіцыю. Пазнаёміўшыся з кожным кандыдатам, Сяргей Пілішчык пажадаў усім паспяховага кар'ернага росту і выказаў надзею на далейшае плённае супрацоўніцтва.
Сяргей Пілішчык гутарыць з Алесяй Бельскай, Святланай Русаковіч і Вадзімам Салаўём
Кандыдаты, уключаныя ў рэзерв кадраў райвыканкама
Начальнік аддзела арганізацыйна-кадравай работы райвыканкама Ала Кабушка адзначыла, што ад кваліфікацыі персаналу, яго эфектыўнага выкарыстання, граматнай расстаноўкі залежыць вынік дзейнасці арганізацыі, яе перавага ў сацыяльнай і эканамічнай сферах, а таксама месца на рынку працы.
Дзіяна Ткачэнка
Крыніца http://www.kopyl.by
