Кіраўніком Камітэта Тамарай Красоўскай быў адзначаны высокі ўзровень работы ўстаноў сацыяльнага абслугоўвання Міншчыны за мінулы год.
У Мінскай вобласці працуюць 23 тэрытарыяльныя цэнтры сацыяльнага абслугоўвання насельніцтва, і Капыльскі ТЦСАН заўсёды знаходзіцца ў тройцы лідараў. Чарговае дасягненне - дыплом камітэта па працы, занятасці і сацыяльнай абароне Мінаблвыканкама за першае месца ў сацыяльна-эканамічным спаборніцтве па выніках працы за 2020 год уручаны дырэктару ўстановы Святлане Маліноўскай. Таксама Капыльскі ТЦСАН стаў рэсурснай пляцоўкай па метадычным суправаджэнні дзейнасці нестацыянарных устаноў сацыяльнага абслугоўвання Мінскай вобласці.
— Каб вызначыць пераможцу штогадовага спаборніцтва, ацэньвалі паказчыкі працы па розных напрамках, — дзеліцца Святлана Станіславаўна. - Наш цэнтр тройчы паводле вынікаў працы за 2016, 2017 і 2019 гады ў сацыяльна-эканамічным спаборніцтве сярод тэрытарыяльных цэнтраў вобласці займаў другое месца. Таму стаць першым вельмі прыемна. Любая перамога - гэта перамога не аднаго чалавека, а заслуга ўсяго калектыву, аб'яднанага агульнай мэтай — аказаннем дапамогі.
Таццяна БОХАН
Крыніца http://www.kopyl.by