Паўсюдна нарады ДАІ будуць звяртаць асаблівую ўвагу на нерэгулюемыя пешаходныя пераходы. Таксама супрацоўнікі дарожна-патрульнай службы адпрацуюць участкі аўтадарог, вуліцы населеных пунктаў, найбольш схільных рызыцы здзяйснення наездаў на пешаходаў, веласіпедыстаў, возчыкаў. У той жа час павышаная ўвага супрацоўнікаў ДАІ нададзена спыненню парушэнняў правілаў як з боку кіроўцаў, так і уразлівых удзельнікаў дарожнага руху, у тым ліку ў частцы выкарыстання святлоадбівальных элементаў.
Акрамя таго, ва ўзаемадзеянні з зацікаўленымі арганізацыямі і прадпрыемствамі будзе арганізаваны дзейсны кантроль па аператыўнай ліквідацыі недахопаў ва ўтрыманні вуліц і дарог у бяспечным для дарожнага руху стане. Грэбаванне элементарнымі правіламі бяспечных паводзін, нечаканае з'яўленне на дарозе, адмова пешаходаў ад выкарыстання ў цёмны час сутак святлоадбівальных элементаў, знаходжанне на праезнай частцы ў стане ап'янення, прыводзяць да трагічных наступстваў. Часцей за ўсё нецвярозыя людзі не ў стане кантраляваць свае ўчынкі. Яны падаюць, перасоўваюцца паўзком, сядзяць альбо засынаюць прама на праезнай частцы.
«Дзяржаўтаінспекцыя звяртаецца да ўсіх удзельнікаў дарожнага руху: калі вы выявілі грамадзян, якія сваімі паводзінамі ствараюць пагрозу бяспецы, неадкладна патэлефануеце па тэлефоне 102. Сваім званком вы можаце выратаваць жыццё», - дадалі ў аддзяленні ДАІ.
Павел Шэін
Крыніца http://www.kopyl.by
