Каментар па гэтым пытанні ад намесніка начальніка інспекцыі МПЗ па Слуцкім раёне Ларысы Шкурскай:
- Прымаючы да ўвагі той факт, што характэрнай рысай дадзенай сферы сёння з'яўляецца істотны аб'ём наяўнага грашовага абароту, пытанні папярэджання ўтойвання выручкі ад продажу тавараў, выканання работ, аказання паслуг, разлікі за якія ажыццяўляюцца наяўнымі грашовымі сродкамі, не губляюць сваёй актуальнасці. Менавіта неабходнасцю папярэджання і спынення фактаў утойвання выручкі абумоўлены ажыццяўляемы падатковымі органамі кантроль за выкананнем устаноўленага парадку прыёму сродкаў плацяжу, а таксама выкарыстання касавага абсталявання. У сваю чаргу, падпунктам 1.17 пункта 1 артыкула 22 Падатковага кодэкса Рэспублікі Беларусь замацаваны абавязак плацельшчыка пры рэалізацыі тавараў (работ, паслуг) за наяўны разлiк забяспечваць прыём сродкаў плацяжу ў выпадках і парадку, устаноўленым заканадаўствам. За парушэнне парадку прыёму сродкаў плацяжу прадугледжана адміністрацыйная адказнасць у адпаведнасці з артыкулам 13.14 КоАП Рэспублікі Беларусь, за парушэнне парадку выкарыстання касавага абсталявання прадугледжана адказнасць артыкулам 13.15 КоАП Рэспублікі Беларусь.
Аднак, нягледзячы на прымяняемыя меры прафілактычнага і папераджальнага характару, пры правядзенні кантрольных мерапрыемстваў у 2020 годзе ўстаноўлена 46 фактаў парушэнняў парадку прыёму сродкаў плацяжу і парадку выкарыстання касавага абсталявання, вінаватыя асобы прыцягнуты да адміністрацыйнай адказнасці ў выглядзе штрафу на суму 6,2 тыс. рублёў. Інспекцыя МПЗ Рэспублікі Беларусь па Слуцкім раёне нагадвае, кожны пакупнік павінен мець на ўвазе, што толькі патрабуючы і атрымліваючы чэкі касавага абсталявання пры здзяйсненні пакупак або аплаце паслуг, ён зможа гарантавана абараніць свае правы як спажыўца пры куплі няякаснага тавару або атрыманні няякаснай паслугі.
Марыя Шэіна
Крыніца http://www.kopyl.by
