У Год народнага адзінства пасадка дрэў стане адным з сімвалаў яднання ўсіх жыхароў Беларусі на карысць нашай краіны і нагадае нам, што прырода ў нас адна. Яе трэба берагчы і перадаваць з пакалення ў пакаленне. Важна, каб мы памяталі, што захавалі тое, што ў нас ёсць сёння, толькі дзякуючы адзінству і згуртаванасці.
Акцыі па азеляненні населеных пунктаў, у якой жыхары Беларусі ахвотна прымаюць удзел, гэтай вясной пройдуць ужо ў традыцыйным за тры гады фармаце - грамадзяне прымуць непасрэдны ўдзел у выбары месцаў пасадак аб'ектаў расліннага свету, добраўпарадкаванні гарадоў, раёнаў, жылых двароў, паркаў і сквераў.
Стартуе адзіны дзень азелянення «Пасадзі дрэва» 3 красавіка ва ўсіх гарадах і вёсках нашай краіны.
Ужо сёння ў кожнага жадаючага ёсць магчымасць да 15 мая прыняць актыўны ўдзел у вясновай пасадцы дрэў і кустоў, далучыцца да Адзінага дня азелянення, пасадзіць сваё дрэва і добраўпарадкаваць свой двор!
Капыльская раённая інспекцыя прыродных рэсурсаў і аховы навакольнага асяроддзя сумесна з зацікаўленымі службамі вядуць збор прапаноў ад насельніцтва аб пераважных месцах пасадкі драўняна-хмызняковай расліннасці на землях агульнага карыстання населеных пунктаў.