Падчас акцыі супрацоўнікі ДАІ правядуць прафілактычныя гутаркі ў працоўных калектывах, грамадскіх арганізацыях. Увага кіроўцаў будзе звернута на няўхільнае захаванне ПДР у частцы бяспечнай перавозкі юных пасажыраў, а таксама правілаў перавозкі арганізаваных груп дзяцей аўтобусамі сярод перавозчыкаў і арганізатараў перавозкі (установы адукацыі, турыстычныя фірмы і інш.). Акрамя таго, дарослым будзе рэкамендавана кантраляваць сваіх дзяцей пад час іх знаходжання на вуліцы і неабходнае абазначэнне святлоадбіўнымі элементамі ў цёмны час сутак.
Пасля завяршэння канікул дзяржаўтаінспектары наведаюць навучальныя ўстановы. Падчас сустрэч з прадстаўнікамі ДАІ хлопцы паўтораць галоўныя і неабходныя правілы бяспечнага ўдзелу ў дарожным руху: як правільна паводзіць сябе на вуліцы, пры пераходзе пешаходных пераходаў, успомняць правілы руху на роварах, самакатах і іншых сродках перамяшчэння. Для прафілактыкі парушэнняў ПДР, аказання дапамогі грамадзянам і арганізацыі дарожнага руху інспектары ДАІ ў гэтыя дні будуць несці службу на найбольш напружаных участках вулічна-дарожнай сеткі, непасрэдна прылеглых да ўстаноў адукацыі.
З пачатку года на тэрыторыі Мінскай вобласці зарэгістравана 14 дарожна-транспартных здарэнняў з удзелам непаўналетніх, у выніку якіх 16 дзяцей атрымалі траўмы. З іх шэсць аўтааварый з удзелам дзяцей-пешаходаў і сем з удзелам пасажыраў. Прычым практычна ва ўсіх аўтааварыях дзеці-пасажыры перавозіліся з парушэннямі правілаў бяспечнай перавозкі. Адно ДТЗ адбылося па віне непаўналетняга кіроўцы.
«Паважаныя дарослыя, выконваючы правілы дарожнага руху, вы становіцеся яркім і станоўчым прыкладам для юных удзельнікаў дарожнага руху. Бяспека дзяцей у першую чаргу залежыць ад вашай увагі і паўсядзённага кантролю», - адзначылі ў ДАІ.
