Падобнага роду мерапрыемства на днях прайшло і ў філіяле «Аўтамабільны парк № 21» ААТ «Мінаблаўтатранс».
Данесці да калег і землякоў асноўныя арыенціры развіцця краіны на найбліжэйшую пяцігодку - важная місія дэлегата народнага форуму, старэйшага ўчастковага інспектара міліцыі аддзела аховы правапарадку і прафілактыкі Капыльскага РАУС падпалкоўніка міліцыі Андрэя Трублоўскага. Удзел у сустрэчы таксама прынялі дырэктар Капыльскага філіяла «Аўтамабільны парк № 21» ААТ «Мінаблаўтатранс» Уладзімір Сахар і старшыня Цімкавіцкага сельвыканкама Алена Вострыкава.
Андрэй Трублоўскі гутараць з работнікамі аўтамабільнага парку
У пачатку размовы з калектывам Андрэй Паўлавіч падзяліўся ўражаннямі, адзначыўшы, што гэта быў сапраўды змястоўны, канструктыўны, з шырокім колам пытанняў і ініцыятыў форум. Былі закрануты важныя для кожнага беларуса тэму. Гаворка ішла аб палітычнай сітуацыі, абароне правапарадку. Вельмі важна, што ў эканоміцы вызначаны вехі развіцця, аж да галін і развіцця горадаўтваральных прадпрыемстваў. Захаваецца арыенцір на сацыяльную дзяржаву. Ахова здароўя застанецца бюджэтнай сферай, даступнай для ўсіх і кожнага. Былі і будуць галоўнымі сацыяльная абарона, адукацыя і культура.
Больш падрабязна дэлегат народнага форуму спыніўся і на галоўных прыярытэтах, якія вызначаны праектам Праграмы сацыяльна-эканамічнага развіцця нашай краіны на пяцігодку — шчаслівая сям'я, інтэлектуальная краіна, моцныя рэгіёны і дзяржава-партнёр.
- Будучая пяцігодка будзе для нашых грамадзян няпростай, але ў той жа час багатай на падзеі, якая патрабуе ад беларусаў поўнай аддачы і працавітасці, — пакрэсліў Андрэй Трублоўскі. - І адзін з прыярытэтных сацыяльных напрамкаў - праца з моладдзю. У пытанні выхавання ў падрастаючага пакалення патрыятызму, беражлівых адносін да гістарычнай спадчыны важную ролю адыгрываюць як бацькі, так і педагогі.
Несумненна, рашэнні, прынятыя на IV Усебеларускім народным сходзе, будуць спрыяць далейшаму развіццю і росквіту нашай краіны. І толькі ў адзінстве мы можам развівацца незалежна.
- Так, у нас могуць быць розныя погляды на тыя ці іншыя пытанні, але ўсе мы перакананы, што будучыня Беларусі можна вызначыць толькі эвалюцыйным шляхам — у канструктыўнай і цывілізаванай дыскусіі, - падкрэсліў у гутарцы Андрэй Паўлавіч.
Пра гэта сведчыць і адзін з галоўных тэзісаў Прэзідэнта: «Беларусь, калі мы будзем і далей так берагчы яе, — краіна забяспечанай, бяспечнай, камфортнай будучыні для ўсіх і кожнага. І ўсё гэта ў нашых сілах»
Таццяна БОХАН
Крыніца http://www.kopyl.by
