Па словах першага сакратара Капыльскага РК ГА «БРСМ» Вольгі Сцяпанавай, «Выбіраем студатрад!»- гэта своеасаблівыя дні адчыненых дзвярэй ва ўстановах адукацыі, якія дазваляюць інфармаваць маладых людзей аб магчымасцях працаўладкавання ў летні перыяд. Падчас мерапрыемства ўсе жадаючыя змаглі запоўніць анкеты ўдзельніка студатрадаўскага руху і задаць цікавячыя пытанні.
Вольга Сцяпанава кансультуе Максіма Фядотава па запаўненні анкеты ўдзельніка студатрадаўскага руху
Дарэчы, у раёне плануецца працаўладкаваць 109 маладых людзей. Згодна з рашэннем райвыканкама, студэнцкія атрады будуць функцыянаваць у 15 прадпрыемствах і арганізацыях раёна. Размесцяцца яны на базе Капыльскага дзяржаўнага каледжа, ЖКГ, ААТ «Старыца-Агра», «Піянер-Агра», «Ціміразеўскі», «Прагрэс 2010», «Скабін», «Семежава», «Праснакі», «Капыльскае», КСУП «Дактаровічы», ЗАТ «Жыліхава», УП «ПIК-Лясное», філіяла «Лакнея» УП «ПрыёртрансАгра» і філіяла «В. Раёўка» ААТ «Крыніца». Функцыянаванне студэнцкіх атрадаў ужо пацвердзіла кіраўніцтва каледжа, ЖКГ і ААТ «Прагрэс 2010». Для 25 маладых людзей Капыльшчыны гэта выдатнае прапанова заняць вольны час карыснай справай і пры гэтым добра зарабіць.
Таццяна БОХАН
Крыніца http://www.kopyl.by
