Валанцёры руху «Добрае сэрца» ГА «БРСМ» аказалі дапамогу ў навядзенні парадку на тэрыторыі Спаса-Вазнясенскага храма ў г.Капылі. Група вучняў з гімназіі і дзвюх гарадскіх школ займалася ўборкай параднага ўваходу храма, ачысткай тэрыторыі ад апалай лістоты і сухастою.
- Удзел у падобных мерапрыемствах вельмі важны для патрыятычнага выхавання моладзі — кажа навучэнка СШ № 2 г. Капыля Надзея Гардзей. — Лічу, што моладзь Капыльшчыны як можна часцей трэба прыцягваць да дабрачынных акцый. Тым больш, калі ты робіш добрую справу для свайго роднага горада.
Падчас уборкі тэрыторыі Спаса-Вазнясенскага храма
Адзначым, што рэспубліканская дабрачынная акцыя «Аднаўленне святынь Беларусі» рэалізуецца ГА «БРСМ» з 2013 года з мэтай выхавання і развіцця ў падрастаючага пакалення духоўна-маральных каштоўнасцяў, заснаваных на традыцыях беларускага народа. З 2016 года яна стала міжканфесійнай. Толькі за мінулы год у перыяд акцыі па ўсёй краіне добраўпарадкавалі 128 культурных і рэлігійных помнікаў. У бягучым годзе праект праходзіць у тры этапы: з 22 па 31 сакавіка — рэспубліканскі старт у Мінску і рэгіёнах краіны, з 1 красавіка па 15 верасня пройдуць раённыя і абласныя мерапрыемствы, фінал акцыі запланаваны на 21 верасня.
Па словах першага сакратара РК ГА «БРСМ» Вольгі Сцяпанавай, у год народнага адзінства акцэнт падчас акцыі будзе зроблены не толькі на аднаўленне храмаў і крыніц, але і на добраўпарадкаванне помнікаў і абеліскаў вайсковай славы.
Таццяна БОХАН
Крыніца http://www.kopyl.by