Высеклі старыя дрэвы і ўздоўж дарогі. У бліжэйшых планах – прывядзенне ў парадак помніка землякам, загінуўшым у гады Вялікай Айчыннай вайны.
У самiм населеным пункце разам з КСУП «Дактаровічы» праводзіцца рэканструкцыя дзіцячай пляцоўкі.
На ачыстцы пустога ўчастка працуе Валерый Рудзеня (злева)
Ля дарогі ў в. Дактаровічы старшыня сельсавета Міхаіл Валуевіч і жыхар аг. Н. Дактаровічы Валерый Іванавіч Рудзеня чысцяць пустуючы ўчастак ад старых дрэў.
Міхаіл Валуевіч
- Тут мы наводзім парадак – каментуе Міхаіл Міхайлавіч. - У планах - на гэтым месцы пасадзіць каштанавую алею. Некалькі дрэўцаў ужо знайшлі сваё месца. Астатні ўчастак увядзем у сельгасабарот. Мне дапамагае наш актыўны жыхар Валерый Іванавіч, які працуе на добраахвотных пачатках і заўсёды гатовы прыйсці на дапамогу. Акрамя яго чысціць парк ад старых дрэў дапамагалі і работнікі Капыльскага ТЦСАН Алена Шалабанава, Ганна Жаўрыд, Аксана Сагойка і спецыялісты з сельсавета. Суботнік суботнікам, але нам самім хочацца жыць у чыстым і ўтульным свеце, таму парадак наводзім не столькі для іншых, колькі для сябе. Вядома, да правядзення Дня беларускага пісьменства і «Дажынак» мы таксама рыхтуемся, але проста хочацца, каб на роднай зямлі было заўсёды прыгожа. Не так даўно ў вёсцы пахавалі два пустыя будынкі. Скончым тут, возьмемся за іншы ўчастак, які знаходзіцца на ўездзе ў аграгарадок Дактаровічы і дзе таксама ніхто не жыве.
Дзіяна Ткачэнка
Крыніца http://www.kopyl.by
