«Здароўя, аптымізму, даўгалецця, любові і ўвагі родных і блізкіх людзей»... Шмат кранальных пажаданняў і ў гэты раз паступіла ў адрас кожнага ветэрана ад старшыні райвыканкама Сяргея Пілішчыка і яго намесніка Аляксандра Дубіны. За мірнае неба над галавой ветэранам падзякавалі таксама старшыня раённага Савета ветэранаў Людміла Каменка і начальнік адасобленай групы (Капыльскага раёна) ваеннага камісарыята Нясвіжскага і Капыльскага раёнаў Сяргей Маргалік.
Старшыня райвыканкама Сяргей Пілішчык гутарыць з былой сувязной Марыяй Прыміч
У ліку першых, каму даставілі віншаванні і кветкі, - Марыя Харытонаўна Прыміч з аграгарадка Скабін. У гады вайны яна была сувязной партызанскага атрада імя Чапаева. Нярэдка Марыі давяралі самыя адказныя заданні. Разлік быў на тое, што далікатная дзяўчына наўрад ці выкліча падазрэнні ў немцаў. Дочкі Марыя і Ніна, якія цяпер прыглядаюць за мамай, адзначаюць, што ёй тады было страшна, але дапамагала думка пра тое, што гэта трэба зрабіць: трэба выканаць абавязак перад Радзімай.
Марыя Харытонаўна Прыміч
Здымак на памяць
Таксама ганаровыя госці наведалі Станіслава Філіпавіча Карпеляню з в. Мазалі, Вячаслава Пятровіча Гапонава і Льва Іванавіча Лепяцiла з г.Капыля. У гады вайны партызаны не раз рызыкавалі жыццём дзеля перамогі.
Асаблівай увагай была расчулена і былы малалетні вязень Ганна Станіславаўна Маліноўская, дзяцінства і юнацтва якой прыйшліся на цяжкія ваенныя гады ў канцлагеры. Аднак ёй пашчасціла выжыць і вярнуцца дадому, самааддана працаваць на аднаўленні разбуранага вайной гаспадаркі краіны.
Сустрэчы гасцей была рада Ганна Маліноўская
— Я была маленькай, калі павезлі ў Германію, — успамінае жанчына. - Бацька там працаваў на цукровай фабрыцы, а мама была поварам. Многае забылася, але памятаю, што немцы не крыўдзілі дзяцей, часта частавалі чым-небудзь смачным і салодкім.
Малалетні вязень Ганна Станіславаўна Маліноўская
Акрамя цёплых слоў прыемным дадаткам для пажылых людзей стала ўручэнне ім матэрыяльнай дапамогі ў памеры двух базавых велічынь і прадуктовага набору. Перад домам кожнага героя - урачысты марш ад духавога аркестра Капыльскай дзіцячай школы мастацтваў пад кіраўніцтвам Дзмітрыя Масілевіча. Узамен жа за ўвагу - слёзы радасці ў вачах і добрыя ўсмешкі на тварах.
Пераможны марш - ад духавога аркестра Капыльскай ДШМ пад кіраўніцтвам Дзмітрыя Масілевіча
У гутарках з удзельнікамі вайны ганаровых гасцей цікавіла не толькі іх самаадчуванне, але і ці маюць патрэбу яны ў нейкай дапамозе, якія пытанні іх непакояць. Выказваючы словы глыбокай павагі і ўдзячнасці, адзначана, што Дзень Перамогі асабліва дарагi і памятны для ўсіх нас. Сёння мы шануем і памятаем тых, дзякуючы каму можам спакойна працаваць, радавацца жыццю і выхоўваць дзяцей.
У госці да ветэрана Льва Лепяціла прыйшлі Аляксандр Дубіна, Людміла Каменка і Сяргей Маргалік
Леў Іванавіч Лепяцiла
- Паважаць і шанаваць герояў вайны, шанаваць і захоўваць памяць аб іх подзвігу - абавязак нашага пакалення — падкрэсліла Людміла Каменка. - Сёння ў раёне пражывае дзевяць ветэранаў Вялікай Айчыннай вайны, адзінаццаць былых малалетніх і два паўналетніх вязня канцлагераў, тры сям'і загінуўшых, адзін працаўнік тылу і два інваліды з дзяцінства, якія атрымалі калецтвы з-за наступстваў Вялікай Айчыннай вайны. Вельмі важна захаваць пераемнасць пакаленняў. Таму мы праводзім вялікую працу па патрыятычнаму выхаванню моладзі: арганізоўваем сустрэчы з ветэранамі, малалетнімі вязнямі. Распавядаючы аб тых страшных момантах, якія былі ў іх жыцці, яны заклікаюць берагчы мір, што вельмі важна ў наш час. Нізкі паклон пакаленню пераможцаў за мірнае неба над галавой!
Такая таблічка размешчана на доме кожнага ветэрана
Таццяна БОХАН
Крыніца http://www.kopyl.by