Памочнік дэпутата Людміла Лагун гутарыць з былой вязніцай Кацярынай Івановай
Старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па бюджэце і фінансах, перадала ветэранам і ўдзельнікам Вялікай Айчыннай вайны і малалетнім вязням канцлагераў, якія пражываюць на тэрыторыі горада Капыля і Капыльскага раёна, прадуктовыя наборы. Дарэчы, набыць харчовыя кошыкі дапамагло ТАА «Белдан». Іх разам з самымі найлепшымі пажаданнямі здароўя і дабрабыту ўручыла памочнік дэпутата Людміла Лагун. Яна адзначыла, што такія мерапрыемствы сталі ўжо традыцыйнымі: дэпутату заўсёды прыемна павіншаваць ветэранаў, гэтых моцных і выдатных людзей, на долю якіх выпала нямала выпрабаванняў. Бо наш абавязак - акружыць іх клопатам, увагай, не забываць і казаць ім пра тое, наколькі важны іх подзвіг.
Кацярына Іванова прымае віншаванні ад Аляксандра Дубіны, Людмілы Каменка, Ніны Жук і Людмілы Лагун
Пераможную вясну з палаючымі вачамі сустракае і былы малалетні вязень фашысцкага канцлагера Кацярына Іванова, якая шчыра радавалася, прымаючы гасцей. Музычнае віншаванне для яе зладзілі ўдзельнікі жывога аркестравага выканання Капыльскай ДШМ. Варта было толькі зайграць легендарную мелодыю, як у жанчыны з'явіліся слёзы на вачах. І, не мудрагеліста, бо яна вытрымала выпрабаванні ваеннага ліхалецця: у яе, як і іншых маленькіх дзяцей, бралі кроў для нямецкіх афіцэраў.
- Дзякуй вялікі за віншаванні — падзялілася Кацярына Макараўна. - Значыць памяць аб тых гадах жывая. Калі пасля вызвалення вярнуліся дадому, мы жылі ў зямлянцы, таму што ўсё было спалена. Было холадна і голадна. Вось толькі калі выйшла замуж, па-сапраўднаму зажыла, разам з мужам рабілі ўсё для дабрабыту сваіх сыноў.
Свае цёплыя пажаданні і прэзенты таксама адрасавалі намеснік старшыні райвыканкама Аляксандр Дубіна, старшыня раённага Савета ветэранаў Людміла Каменка, начальнік адасобленай групы (Капыльскага раёна) ваеннага камісарыята Нясвіжскага і Капыльскага раёнаў Сяргей Маргалік. Са словамі падзякі і ўдзячнасці звярнуліся і прадстаўнікі раённых грамадскіх арганізацый - Беларускага саюза жанчын Святлана Маліноўская і Беларускага таварыства Чырвонага Крыжа Ніна Жук.
Здымак на памяць
Таццяна БОХАН
Крыніца http://www.kopyl.by
